رۋحانيات • 25 ماۋسىم، 2020

«QazAlliance» – ىزگىلىك جولىنداعى ۇيىم

174 رەت كورسەتىلدى

جەر-جاھاندى شارپىعان ىندەتتىڭ بەتالىسىنا قاراماستان، قازاقستاننىڭ شەتەلدەگى قوعامدىق بىرلەستىكتەرى بەلسەندى جۇمىس ىستەپ جاتىر. كورشىلەس رەسەيدىڭ وزىندە 60-قا جۋىق قوعامدىق بىرلەستىك تىركەلسە، الەم بويىنشا مىڭداعان قازاقستاندىقتىڭ باسىن بىرىكتىرىپ جۇرگەنى قانشاما. سولاردىڭ ءبىرى «QazAlliance» ۇيىمىنىڭ تۋعان جەردەن جى­راقتا جۇرگەن ازاماتتارىمىزدىڭ يگىلىگىنە قىزمەت ەتىپ جۇرگەنىنە 5 جىل تولدى.

شەتەلدەگى قازاقستاندىقتار اليانسى پرەزيدەنتىنىڭ مىندەتىن اتقارۋشى الىشەر تۇرسىننىڭ ايتۋىنشا، ۇيىمنىڭ ىرگەتاسى ۇلىبريتانيانىڭ لوندون قا­لا­سىندا قالانعان. اراعا جىلدار سا­لىپ، اتالعان ۇيىم الەمنىڭ 20-دان استام ەلىنە قانات قاقتى. قازىرگى تاڭدا شە­تەلدەگى قازاقستاندىقتار اليانسىنىڭ جا­پونيا، كورەيا رەسپۋبليكاسى، سينگاپۋر، مالايزيا، رەسەي، قىتاي، موڭعوليا، لاتۆيا، فينليانديا، بەلگيا، شۆەيتساريا، ۇلىبريتانيا، فرانتسيا، نيدەرلاند، يتاليا، يسپانيا، تۇركيا، بىرىككەن اراب امىرلىكتەرى، يزرايل، كانادا، اقش سىندى ەلدەردە اتقارعان جۇمىستارىنىڭ اۋقىمى كەڭ دەسەك تە بولادى.

قازىر ۇيىمعا جەتەكشىلىك جاساپ جۇر­گەن ءارى شۆەيتسارياداعى ءHTMى ۋني­ۆەر­سيتە­تىنىڭ ماگيسترانتى الىشەر تۇر­سىن­نىڭ ايتۋىنشا، اليانس شەتەلدەگى وتان­داس­تا­رىمىزعا بار مۇمكىندىگىنشە قول­داۋ كورسەتىپ كەلەدى.

«بەس جىلدان بەرى بىرنەشە بۋىن اۋى­سىپ، ۇيىمدا بىرقاتار وزگەرىس ورىن الدى. ۇيىم ءوز كەزەگىندە توقىراۋ مەن شارىقتاۋ سىندى كەزەڭدەردى باستان وتكىزدى. مەن وسى ەرىكتى قىزمەتكە 2018 جىلدىڭ 10 جەل­توقسانىندا، سونداي ءبىر كۇردەلى كەزەڭ­دەردىڭ بىرىندە كەلدىم. سودان بەرى الەۋمەتتىك جەلىلەردە ءارتۇرلى ەلدەردە جۇرگەن قازاقستاندىقتاردىڭ ءبىر-بىرىمەن بايلانىسىپ تۇرۋلارىنا جاع­داي جاساپ، وكىلدەرىمىزبەن بىرگە وتان­داستارىمىزدىڭ ءتۇرلى سۇراقتارى بو­يىنشا تەگىن اقپاراتتىق قولداۋ كورسەتىپ كەلەمىز»، دەيدى ءا.تۇرسىن.

«QazAlliance» بىرلەستىگى جوعارىدا اتالعان مەملەكەتتەردىڭ ەلشىلىكتەرىمەن جانە شەتەلدەگى بىرنەشە وتاندىق ۇيىم­مەن دە تىعىز جۇمىس ىستەيدى. سونىڭ ىشىندە «دۇنيە ءجۇزى قازاقتارى»، «IQanat»، «Otandastar qory»، «Kazakh tourism» جانە تاعى باسقا ۇيىمدارمەن دە تىكەلەي بايلانىستا. بىرلەستىكتىڭ وسى كەزگە دەيىن اتقارعان جۇمىستارى كوڭىلگە جىلىلىق ۇيالاتپاي قويمايدى.

«بۇگىندە قۇرىلىمدىق باسقارۋ تەتىك­تە­رىنە نەگىزگى وزگەرىستەر ەنگىزىپ وتىر­­مىز. 7 باعىت بويىنشا ارنايى 7 ور­­تا­لىق قۇ­­رىپ، ولارعا جان-جاقتى ءارى جاۋاپ­تى وتان­داستارىمىزدى توپتاستىرۋ­دا­مىز. ورتالىقتارىمىز تۋرالى تولىق اق­پارات­تى جۋىردا رەسمي kazalliance.kz سايتىمىزدا كورسەتەتىن بولامىز. بيىلدان باستاپ «QazAlliance» الىس جانە جاقىن شەتەلدەردە جىل سايىن ءداستۇرلى تۇردە وتەتىن جانە دۇنيە جۇزىندەگى بارلىق دوم­­­بىراشىلاردى بىرىكتىرەتىن «World Dombyra Festival» اتتى جوبانى قولعا الىپ وتىر. دومبىرانى تانىتۋ – قازاق پەن وتا­نىمىزدى تانىتۋ. ماقساتىمىز – قا­­زاقستانداعى جانە شەتەلدەردەگى وتانداستارىمىزدى، اسىرەسە وسكەلەڭ ۇرپاقتى دومبىرانى ۇيرەنۋگە شاقىرۋ، ۇلتتىق اسپابىمىزدى دارىپتەۋ، – دەيدى اليانس پرە­زي­دەنتىنىڭ مىندەتىن ات­قارۋشى الىشەر تۇرسىن.

«QazAlliance» ۇيىمى 2015 جىلدان باس­تاپ قازاقستانعا ينۆەستورلاردى تارتۋعا باعىتتالعان «Invest in Kazakhstan» جوباسىن، جاستاردىڭ ءوز ويى مەن ەركىن پىكىر الماسۋىنا مۇمكىندىك اشاتىن ديالوگ الاڭى – «Sòile» جوباسىن، قازاق حاندىعىنىڭ 550 جىلدىعىنا وراي قازاق كۇرەسىن دا­رىپتەۋگە باعىتتالعان «بولاشاق بارىسى» حالىقارالىق ءتۋرنيرىن، «سامۇرىق-قازىنا» ۇاق» اق قولداۋىمەن HR با­عىتىنداعى «ترانسفورماتسيا» سىندى جو­­بالاردى ۇيىمداستىرعان. بىرلەستىك الەم ەلدەرى ءۇشىن كۇر­­دەلى ۋاقىتتا جانە پاندەميا كەزىندە شە­تەل­دەگى وتانداستارىمىزدىڭ قامىن وي­لاپ، ولاردىڭ قازاقستانعا ورالۋلارىنا بىردەن-ءبىر دانەكەر بولىپ ءجۇر. ۇيىم باسشىسىنان باستاپ، ونىڭ ءاربىر مۇشەسى اقىسىز، ەرىكتى قىزمەت اتقارادى.

قازىر الەمدە جاعداي كۇردەلى ەكەنى بەل­گىلى. وسى ورايدا شەتەلدەگى قازاق­ستان­دىق­تاردىڭ قانداي شارا قولدانىپ، قالاي وق­شاۋلانىپ جاتقانى تۋرالى دا از-كەم بىلدىك.

«قازىرگى ۋاقىتتا «بولاشاق» باعدار­لاماسىمەن شۆەيتساريادا ءبىلىم الىپ ءجۇرمىن. بۇل ەلدەگى مەملەكەتتىك جۇيە مەن ءتارتىپ بىزدەگىدەن وزگەشە. شۆەيتساريا ۇكىمەتى 19 ماۋسىمنان باس­تاپ كارانتين رەجىمىن الىپ تاستاۋ تۋرالى مالىمدەمە جاسادى. وسىعان سايكەس 22 ماۋ­سىمنان الەۋمەتتىك قاشىقتىق 2 مەتردەن 1،5-كە دەيىن قىسقاردى. سونداي-اق 1000 ادامعا دەيىن قاتىساتىن ۇلكەن جيىندارعا قايتادان رۇقسات ەتىلىپ جانە كەز كەلگەن شەرۋلەرگە قاتىسۋ مۇم­كىن بولدى. ەڭ باس­تىسى، نارازىلىق بىلدىرۋشى­لەر قورعانىش بەتپەردەلەردى تاعىپ ءجۇرۋى ءتيىس»، دەيدى الىشەر تۇرسىن.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار