وسى مەكەمەلەردىڭ ورمان قورىندا 1 ميلليون 820 مىڭنان استام اڭ بار. ورماندا تۇياقتىلاردىڭ 4 ءتۇرى, ءتۇبىتتى اڭنىڭ 12 ءتۇرى جانە قۇستاردىڭ 9 ءتۇرى بار.
قۇستاردىڭ ءوزى دە ءارى قاراي بولىنەدى. مىسالى, ۇيرەكتىڭ 4 ءتۇرى بار بولسا, 10 اڭ ءتۇرى قىزىل كىتاپقا ەنگەن. قويان مەن تۇلكىنىڭ سانى كوپ.
ال, ءوڭىرىمىزدە باياناۋىلداعى ورمان قورلارى تىكەلەي اۋىل شارۋاشىلىعى مينيسترلىگى ورمان كوميتەتىنىڭ قاراۋىندا.
جۋىردا 2017 جىلى ەلىمىزدە ەنگىزىلگەن كوكتەمگى اڭ اۋلاۋعا تىيىم سالۋ تۋرالى ەرەجەءسى ءوزكۇشىن جويىپ, قازىر كوكتەمگى اڭشىلىققا رۇقسات بەرىلگەن.
سونداي-اق, ءار اڭدى اۋلايتىن ارنايى ۋاقىتى بار. جىل سايىن ءار اڭ تۇرىنەن قانشا اۋلاۋعا بولاتىنى تۋرالى ليميت بەكىتىلەدى.
مىسالى, 2019 جىلى وبلىستا جالپى اڭ اۋلاۋعا 46764 ليميت ءبولىنىپ, يگەرىلسە, بيىلعى جىلعى ليميت ءبولۋ ءالى قارالۋدا.
وڭىردە اڭ اۋلايتىن ارنايى ورتالىقتار بار. ولار ءار اڭنىڭ باسىنا بەلگىلەنگەن قارجىنى ءۇكىمەتكە تولەپ, باسقارمادان اڭ اۋلاۋعا رۇقساتتاما الادى.
سودان كەيىن رۇقساتتامانى اڭشىلارعا تاراتادى. ءارى اڭ اۋلاۋعا وزدەرى باقىلاۋ جۇرگىزەدى.
پاۆلودار وبلىسى
