اتالعان جوبا شەڭبەرىندە بۇگىندە ەلىمىزدىڭ ءاربىر وڭىرلەرىندە ءتيىستى جۇمىستار اتقارىلۋدا. ماسەلەن, جامبىل وبلىسى, سارىسۋ اۋدانى بويىنشا "اۋىل – ەل بەسىگى" جوباسى اياسىندا ساۋداكەنت جانە جايىلما اۋىلدارى تىرەك ەلدىمەكەندەرى رەتىندە, ال, جاڭاتالاپ, ۇيىم, يگىلىك, ءوندىرىس, قىزىلديحان, ماياتاس, اقتام, ءابىلدا ەلدىمەكەندەرى سپۋتنيكتىك اۋىلدار رەتىندە ايقىندالىپ, ىرىكتەلىپ الىنعان. اعىمداعى جىلدىڭ بيۋدجەتىنە ءبىرىنشى ترانشپەن "اقبوتا" بالاباقشاسىنىڭ عيماراتىن كۇردەلى جوندەۋ جۇمىستارىنا 234,7 ميلليون تەڭگە بولىنگەن. مەملەكەتتىك ساتىپ الۋ جۇمىستارى جامبىل وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىق باسقارماسى ارقىلى جۇرگىزىلگەن. بۇگىنگى تاڭدا "ەرنۇر" جاۋاپكەرشىلىگى شەكتەۋلى سەرىكتەستىگى جەڭىمپاز اتانىپ, ءتيىستى جۇمىستار باستالىپ تا كەتتى.
رەسپۋبليكالىق بيۋدجەتتى ناقتىلاۋ بارىسىندا ەكىنشى ترانشپەن ساۋداكەنت ەلدىمەكەنىندەگى 22 نەگىزگى كوشەنىڭ جول جابىندىلارىن جوندەۋدەن وتكىزۋ جۇمىستارىنا 334,3 ميلليون تەڭگە بولىنگەن. ونىڭ ىشىندە 4 كوشە جارىقتاندىرىلادى. سونىمەن قاتار, ۇيىم اۋىلىنداعى ع.مۇراتباەۆ كوشەسىنە ورتا جوندەۋ جۇمىستارىن جۇرگىزۋگە 13,3 ميلليون, ال, ساۋداكەنت اۋىلىنداعى سپورت كەشەنىنىڭ قۇرىلىسىنا 260,9 ميلليون, جاڭاتالاپ اۋىلىنداعى ورتا مەكتەپتىڭ كۇردەلى جوندەۋ جۇمىستارىنا 79,9 ميلليون تەڭگە, بارلىعى 688,4 ميلليون تەڭگە قاراجات بولىنگەن. ال, سارىسۋ اۋدانى اكىمدىگىنىڭ مالىمەتىنشە, الداعى جىلدارى اۋدانداعى تىرەكتى ەلدىمەكەندەر مەن سپۋتنيكتىك اۋىلدارعا دا ءتيىستى قاراجات بولىنەتىن بولادى.
جامبىل وبلىسى
