ازەربايجاننىڭ بيلەۋشى پارتياسى يلحام اليەۆتىڭ پرەزيدەنت سايلاۋىندا الدىن الا ەسەپ بويىنشا ايقىن جەڭىسكە جەتۋىنە بايلانىستى تويدى باستاپ كەتتى. بۇل تۋرالى Trend باسىلىمىنىڭ ءتىلشىسى حابارلادى.
«بۇگىن ازەربايجان حالقى جەڭىسكە جەتتى», - دەدى بيلەۋشى «ەني ازەربايجان» پارتياسى شتاب-پاتەرىنىڭ الدىندا توراعانىڭ ورىنباسارى – پارتيانىڭ اتقارۋشى حاتشىسى ءالي احمەدوۆ وسى پارتيانىڭ كانديداتى, قازىرگى ءىس باسىنداعى پرەزيدەنت يلحام اليەۆتىڭ جەڭىسكە جەتۋىنە بايلانىستى ۇيىمداستىرىلعان كونتسەرتتىڭ بارىسىندا.
«ازەربايجان حالقى يلحام اليەۆتى جەڭىمپاز ەتىپ شىعارىپ, ءوزىنىڭ كەلەشەگى ءۇشىن داۋىس بەردى», - دەدى احمەدوۆ.
«وسى ارقىلى ازەربايجان حالقى تاعى دا دامۋ جولىن تاڭدادى», - دەگەندى قوستى ءالي احمەدوۆ.
ال كونتسەرتكە دەيىن موتوتسيكليستەردىڭ جارىسى بولدى.
ايتا كەتەيىك, exit poll مالىمەتى بويىنشا, بيلەۋشى «ەني ازەربايجان» پارتياسىنىڭ كانديداتى, ءىس باسىنداعى مەملەكەت باسشىسى يلحام اليەۆ بۇگىنگى سايلاۋدا ۇلكەن ايىرماشىلىقپەن جەڭىپ شىقتى.
ساكەن مايلىباي.
سۋرەتتە: ەرلى-زايىپتى يلحام اليەۆ پەن مەحريبان اليەۆا قازىر عانا سايلاۋدا داۋىس بەرىپ شىقتى.
