بۇگىن, 9 قازان كۇنى وتكەن ازەربايجان پرەزيدەنتى سايلاۋىندا قازىرگى ءىس باسىنداعى مەملەكەت باسشىسى يلحام گەيداروگلى اليەۆتىڭ جەڭىسكە جەتكەنى بەلگىلى بولدى. بۇل تۋرالى ازەربايجاننىڭ «ىنتىماقتاستىق اليانسى» ۇكىمەتتىك ەمەس ۇيىمى حابارلادى.
ءوزىنىڭ exit poll مالىمەتىنىڭ الدىن-الا ناتيجەلەرىنە سۇيەنگەن ۇيىم سايلاۋدا يلحام اليەۆتىڭ (ازەربايجانشا – Ilham ءاliyev) 83,89 پايىز داۋىس العانىن اتاپ كورسەتكەن.
پرەزيدەنت سايلاۋىن وتكىزگەن سايلاۋ ۋچاسكەلەرىندە جۇرگىزىلگەن ساۋالدامالار بويىنشا داۋىستار بىلايشا بولىنگەنى بەلگىلى بولىپ وتىر:
يلحام اليەۆ - 83,89%
دجاميل گاسانلي - 8,20%
يگبال اگازادە - 1,88%
گۋدرات گاسانگۋليەۆ- 1,30 %
زاحيد ورۋدج -0,98%
يلياس يسمايلوۆ - 0,95%
حافيز گادجيەۆ- 0,79%
اراز اليزادە - 0,71%
ساردار دجالالوگلۋ- 0,67%
فارادج گۋليەۆ - 0,63%.
اتالمىش ۇيىمنىڭ exit-poll مالىمەتتەرى بويىنشا, سايلاۋشىلاردىڭ ساياسي ناۋقانعا قاتىسۋلارى 67 پايىزدى قۇراعان.
سايلاۋدىڭ بارىسىن 1,3 مىڭ حالىقارالىق باقىلاۋشىلار باقىلاعان.
ساكەن مايلىباي.
