وكىنىشكە وراي قازىر ناۋقاستاردىڭ سانى التى جۇزدەن اسىپ وتىر. جۋرناليستەرگە بريفينگ بەرگەن وبلىستىق دەنساۋلىق ساقتاۋ باسقارماسى باستىعىنىڭ مىندەتىن اتقارۋشى نۇرلان ايمانوۆ دەرتتىڭ دامۋىنىڭ ەڭ نەگىزگى سەبەبى ادامداردىڭ ءبىر-بىرىنە تىم جاقىن كەلۋى, بەتپەردەنى جۇيەلى تاقپاۋى, قولدى تازا جۋماۋىنان دەگەنىمەن سىرتتان كەلگەندەردەن جۇعۋ كوبەيە تۇسۋدە. قازىر اندەت جۇقتىرعانداردىڭ 232 سيمپتومدى, 381 سيمپتومسىز كورىنەدى. سوڭعى اپتاداعى دەرتتىلەردىڭ ءوسىمى 76 پايىزعا جەتكەن. بۇل وتە الاڭداتارلىق جاعداي.
توتەنشە جاعدايدىڭ كەزىندە كوشەلەرگە ديزەنفەكتسيا جاساپ كاماز-دار جۇرەتىن ەدى, قازىر ولاردىڭ سانى دا ازايىپ كەتكەن. اۆتوپاترۋلدەرگە دەيىن ادامداردى توقتاتىپ, بەتپەردە كيۋىن تالاپ ەتەتىن, قازىر شەكتەۋلەر ازايتىلعاننان بەرى وندايلار مۇلدە جوعالدى. ەسەسىنە ناۋقاستار سانى كوبەيىپ بارادى.
قازىر وبلىستىڭ اقجار, ايىرتاۋ, تايىنشا, ءۋاليحانوۆ اۋداندارىنا بارۋ, كەلۋگە شەكتەۋ قويىلدى. سونداي-اق شال اقىن اۋدانىنداعى جاڭاجول, م.جۇماباەۆ اۋدانىنداعى "تامان ديۆيزياسى" اتىنداعى اۋىلدار جابىلدى. پەتروپاۆل قالاسىندا اۋرۋ وشاعى تابىلعان ءتورت بالاباقشا, ەكى بالالار الاڭى جانە ءبىر فيتنەس كلۋب جابىلدى.
نۇرلان ايمانوۆتىڭ ايتۋىنا قاراعاندا دارىگەرلەر قولدان كەلگەن كومەكتەرىن جاساپ جاتىر, ناۋقاستارعا ورىن جەتكىلىكتى. جۋىردا عانا وتە اۋىر جاعدايدا تۇسكەن ءبىر ايەل ادام تولىق ەمدەلىپ شىققان. ناۋقاستارمەن تىكەلەي كونتاكتىدا بولعان 45 مەديتسينالىق قىزمەتكەردىڭ بويىنان دا ۆيرۋس تابىلىپ, ەمدەلۋگە جىبەرىلگەن. ءسوزىنىڭ سوڭىن ول وپتيميستىك سەنىممەن, جاعدايدىڭ باقىلاۋ شەڭبەرىنەن شىقپاعانىن جەتكىزدى.
سولتۇستىك قازاقستان وبلىسى
