كەشە, 8 قازان كۇنى ماڭعىستاۋ وبلىسىندا بىرقاتار كادرلىق وزگەرىستەر بولدى.
پرەزيدەنت اكىمشىلىگىنىڭ كەلىسىمى بويىنشا ماڭعىستاۋ وبلىسىنىڭ اكىمى وكىمىمەن ءامىرجانوۆ راقىمبەك مارشال ۇلى وبلىس اكىمىنىڭ ورىنباسارى بولىپ تاعايىندالدى.
ماڭعىستاۋ وبلىسى اكىمىنىڭ وكىمىمەن ساعىندىقوۆ جەڭىسبەك ورەن ۇلى وبلىستىق يندۋستريالدى-يننوۆاتسيالىق دامۋ باسقارماسى باسشىسى بولىپ تاعايىندالدى.
سونداي-اق ماڭعىستاۋ وبلىسى اكىمىنىڭ وكىمىمەن تولەۋعاليەۆا گۇلزايدا بەكتۇرقىزى وبلىستىق تىلدەردى دامىتۋ باسقارماسى باسشىسىنىڭ قىزمەتىنە تاعايىندالدى.
وبلىس اكىمى اليك سەرىك ۇلى ايدارباەۆ 8 قازان كۇنى وتكەن اپپارات ماجىلىسىندە وسى وزگەرىستەر جايلى ايتىپ, جاڭا تاعايىنداۋلار الىپ وتىرعان كادرلاردى تانىستىردى.
(تاعايىندالىپ وتىرعان كادرلار تۋرالى تولىق مالىمەتپەن egemennews.kz سايتىنان تانىسا الاسىزدار).
سۋرەتتەر «لادا.kz» جانە «تۋمبا.kz» ينتەرنەت-باسىلىمدارىنان الىندى.
