ايماقتار • 22 ماۋسىم، 2020

اتىراۋدا كوروناۆيرۋس ينفەكتسياسىن جۇقتىرۋشىلار كوبەيۋدە

397 رەت كورسەتىلدى

وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى نۇرلىبەك قابدىقاپاروۆتىڭ ايتۋىنشا، №2 وبلىستىق اۋرۋحانادا 200-گە جۋىق ناۋقاس ەمدەلىپ جاتىر، - دەپ حابارلايدى Egemen.kz.

بۇل اۋرۋحاناداعى  ينفەكتسيالىق ستاتسيونار  180 كەرەۋەت بار. قازىر ورىننىڭ جەتىسپەۋشىلىگى تۋنىداپ وتىر. سول سەبەپتەن، ماحامبەت اۋدانىنىڭ  تۋبەركۋلەز اۋرۋحاناسىندا 100 ورىندىق ينفەكتسيالىق بولىمشە اشىلدى.  بۇلء بولىمشەگە اۋرۋى جەڭىل اعىمدا ءوتىپ جاتقان 15-20 ناۋقاس جىبەرىلەتىن بولادى.  

ۇمىس كۇشەيتىلگەن رەجيمدە  جۇرگىزىلۋدە.  سوعان قاراماستان، مەديتسينا قىزمەتكەرلەرى بارلىق ناۋقاستىڭ جاعدايىن قاداعالاپ، ەم جۇرگىزىپ جاتىر.  ناۋقاستاردىڭ  اراسىندا جاعدايى اۋىر پاتسيەنتتەر بار. ء بىز ولاردى رەانيماتسيا بولىمشەلەرىنە جانە ينفەكتسيالىق ستاتسيونارعا جىبەرەمىز.  بارلىق دارىگەر ادەتتەگىدەي جۇمىس ىستەيدى. اۋدانداردا ءدارى-دارمەكتەرمەن جانە جەكە قورعانىس قۇرالدارىمەن جەتكىلىكتى مولشەردە قامتاماسىز ەتىلۋدە"، - دەدى  نۇرلىبەك قابدىقاپاروۆ.

بۇگىن اتىراۋدا كوروناۆيرۋس ينفەكتسياسىن جۇقتىرعان 38 ادام تىركەلدى. ونىڭ 33-ءى اتىراۋ قالاسىنىڭ تۇرعىندارى بولسا، وزگەلەرى يساتاي، يندەر جانە ماحامبەت اۋداندارىنان انىقتالىپ وتىر.

جالپى، وڭىردە قاۋىپتى ىندەتكە شالدىققانداردىڭ سانى 1440-قا جەتتى. ونىڭ ىشىندە 1095 پاتسيەنت جازىلىپ شىققان.

سوڭعى جاڭالىقتار

ۇقساس جاڭالىقتار