ەلباسى • 22 ماۋسىم، 2020

ەلباسىنىڭ اتىنا يوردانيا كورولى ءىى ابداللادان جەدەلحات كەلىپ ءتۇستى

41 رەت كورسەتىلدى

يوردانيا كورولى قازاقستاننىڭ تۇڭعىش پرەزيدەنتىنە تەزىرەك ساۋىعىپ كەتۋىنە تىلەكتەستىك ءبىلدىردى. بۇل تۋرالى ەلباسىنىڭ ءباسپاسوز قىزمەتى حابارلادى.

ء"سىزدىڭ كوروناۆيرۋس دەرتىمەن كۇرەسىپ جاتقانىڭىز تۋرالى حاباردى ەستىدىم. وسى جايسىز حابارعا الاڭداي وتىرىپ، سىزگە تەزىرەك ساۋىعىپ كەتۋىڭىزگە تىلەگىمدى ءبىلدىرۋ ءۇشىن جەدەلحات جولداۋدى ءجون كوردىم.

ءسىزدىڭ ەڭ جاقسى مەديتسينالىق ەم قابىلداپ جاتقانىڭىزعا سەنىمدىمىن ءارى وسى ەم جاقىن ارادا وڭ ناتيجە بەرەدى دەگەن ۇمىتتەمىن. وزىڭىزگە ءتان مىقتى رۋحىڭىز بەن قاجىر-قايراتىڭىزدىڭ ارقاسىندا دەرتتەن تەز ايىعىپ شىعاتىنىڭىزعا سەنىمدىمىن.

سىزگە دەگەن جوعارى قۇرمەتىم مەن ىستىق ىقىلاسىمدى بىلدىرەمىن"، – دەلىنگەن جەدەلحاتتا.

سوڭعى جاڭالىقتار

ۇقساس جاڭالىقتار