تۋ تۋرالى كۋالىكتى قورعاۋعا قويىلاتىن تالاپتاردى بەكىتۋ تۋرالى
2013 جىلعى 17 ماۋسىم استانا,ۇكىمەت ءۇيى
تۋ تۋرالى كۋالىكتى قورعاۋعا قويىلاتىن تالاپتاردى بەكىتۋ تۋرالى
«جەكە باستى كۋالاندىراتىن قۇجاتتار تۋرالى» 2013 جىلعى 29 قاڭتارداعى قازاقستان رەسپۋبليكاسىنىڭ زاڭى 25-بابىنىڭ 2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان تۋ تۋرالى كۋالىكتى قورعاۋعا قويىلاتىن تالاپتار بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 17 ماۋسىمداعى № 601 قاۋلىسىمەن بەكىتىلگەن
تۋ تۋرالى كۋالىكتى قورعاۋعا قويىلاتىن تالاپتار
1. تۋ تۋرالى كۋالىك بلانكىسىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنۋگە ءتيىس.
2. تۋ تۋرالى كۋالىك بلانكىسىندە ەكىجاقتى ءمور بولادى. تۋ تۋرالى كۋالىك بلانكىسى قازاقتىڭ ويۋلارى, ورنەكتەرى قولدانىلىپ جاسالعان (اۋدانىنىڭ كەمىندە 30 %-ى) جيەكتى رامكادان جانە تانگەرلىك توردان تۇرادى.
3. مىندەتتى قورعانىش ەلەمەنتى رەتىندە بيىكتىگى 250 مكم-دەن اسپايتىن ميكروشريفت, سونداي-اق گيلوشتىق ەلەمەنتتەر پايدالانىلادى. گرافيكالىق ەلەمەنتتەردە سىزىقتىقتان (شتريحتىك) باسقا بەينەلىك قۇرىلىمدار بولمايدى.
4. تۋ تۋرالى كۋالىك بلانكىسى تۇپنۇسقا سۋتامعى بەلگىسى, ارنايى قورعانىش داقتارى بار, اقتىعى 94-96 %, قۇرامىندا ماقتا نەمەسە زىعىر تالشىعىنىڭ مولشەرى جوعارى ساپالى قاعازدا جاسالادى, تىعىزدىعى – 100-120 گ/م . بەينەلىلىگى – ءموردىڭ ءار جاعىندا كەم دەگەندە 4 بوياۋ پايدانىلادى. بۇل رەتتە تەمپەراتۋرانىڭ اسەرىنەن ءوزىنىڭ ءتۇسى مەن قانىقتىعىن وزگەرتپەيتىن, ءتۇرلى ءتۇستى كوشىرمەلەۋگە كەدەرگى كەلتىرەتىن پاستەلدى قوسپالارى بار بوياۋلار پايدالانىلۋى قاجەت.
5. تۋ تۋرالى كۋالىك بلانكىسىندە قاتتى مۇقابا جانە سىرتىندا اتاۋى جازىلعان ءبۋمۆينيلدى قاپتاما بولۋى, بىرجاقتى ءمورى بار جاپسىرىلعان قوسىمشا پاراق بولۋى ءتيىس.
6. تۋ تۋرالى كۋالىك بلانكىسىندە جەتى ءماندى ءنومىر بولادى.
