سەگىز جاستار بالا بيىل ءبىرىنشى سىنىپتى اياقتاپتى. اتا-اناسىنىڭ ايتۋىنشا, 20 ماۋسىم كۇنى ساعات 15.00 شاماسىندا بالا وزىمەن بىرگە سكەيتبوردىن الىپ, ويناۋعا كوشەگە شىعىپ كەتكەن. اتا-اناسى كەشكە تامان ىزدەي باستايدى. تابىلماعان سوڭ, سول كۇنى پوليتسياعا حابارلايدى. سۋعا كەتكەن بالانىڭ كول جاعاسىندا وزگە دە جاسوسپىرىمدەرمەن بىرگە بولعانى انىقتالعان.
"قايعىلى وقيعاعا قاتىستى سوت-مەديتسينا ساراپتاماسى تاعايىندالدى. سۋ قويمالارى ماڭىندا ورنالاسقان ەلدى مەكەندەردە تۇراتىن اتا-انالاردىڭ بالالارىن كوزدەن تاسا ەتپەۋىن سۇرايمىز. كەز كەلگەن سۋ قويماسىنىڭ قاىپتى ەكەنىن ەستەن شىعارماعان ءجون", - دەپ حابارلادى توتەنشە جاعداي دەپارتامەنتىنىڭ سىرتقى كوممۋنيكاتسيا توبى.
قوستاناي وبلىسىندا شومىلۋ ماۋسىمى باستالعالى, وزەن-كولدەردەگى قايعىلى وقيعا جيىلەپ كەتتى. ايماقتا وسىمەن سەگىزىنشى ادام سۋعا كەتىپ وتىر. ولاردىڭ ىشىندە توعىز جاسقا دەيىنگى 3 بالا بار.
قوستاناي وبلىسى
