بۇرناعى كۇنى قورشاعان ورتانى قورعاۋ ءمينيسترى نۇرلان قاپپاروۆ پارلامەنت ءماجىلىسىنىڭ ۇكىمەت ساعاتىندا ەسەپ بەردى. بۇل كەزدەسۋ دەپۋتاتتار تاراپىنان ۇلكەن قوزعالىس تۋعىزىپ, ۆەدومستۆو باسشىسىنا سۇراق بەرگىسى كەلەتىندەردىڭ قاتارىن كوبەيتىپ جىبەردى. بىراق ۋاقىتتىڭ تىعىزدىعىنا بايلانىستى وسى قاتارداعى قىرىققا جۋىق تىلەك بىلدىرۋشىلەردىڭ جارتىسى عانا ساۋالدارىن قويىپ ۇلگەردى.
بۇرناعى كۇنى قورشاعان ورتانى قورعاۋ ءمينيسترى نۇرلان قاپپاروۆ پارلامەنت ءماجىلىسىنىڭ ۇكىمەت ساعاتىندا ەسەپ بەردى. بۇل كەزدەسۋ دەپۋتاتتار تاراپىنان ۇلكەن قوزعالىس تۋعىزىپ, ۆەدومستۆو باسشىسىنا سۇراق بەرگىسى كەلەتىندەردىڭ قاتارىن كوبەيتىپ جىبەردى. بىراق ۋاقىتتىڭ تىعىزدىعىنا بايلانىستى وسى قاتارداعى قىرىققا جۋىق تىلەك بىلدىرۋشىلەردىڭ جارتىسى عانا ساۋالدارىن قويىپ ۇلگەردى.
دەپۋتات راۋان شاەكين وزىنە كەزەك كەلگەندە, تاعى دا «بايقوڭىر» مەن «پروتون» ماسەلەسىن كوتەردى. «مىسالى, 1999 جىلدارى قاراعاندى وبلىسىنا ەكى مارتە زىمىران ۇشىرعىش قۇلاعاندا رەسەي 10 ميلليون دوللار وتەماقى تولەگەن. سەبەبى, ول كەزدە, توپىراق, اۋا, سۋ ارنايى تەكسەرىستەن وتەتىن. ءبىز سىزدەرگە ايتتىق, جىل سايىن سكرينينگتىك, بيولوگيالىق تەستىلەر وتكىزۋ كەرەك دەپ. وسى شارالار ورىندالعان بولسا, ءبىز رەسەيگە زالال مولشەرىن ويلانباستان ايتۋشى ەدىك», – دەدى ول.
اقيقاتىندا ەلىمىزدىڭ قورشاعان ورتانى قورعاۋ مينيسترلىگى بۇدان بۇرىن بىرنەشە رەت «روسكوسموس» وكىلدەرىمەن كەزدەسىپ, زىمىرانداردىڭ ۇشىرىلۋىن ازايتۋدى, ەكولوگيالىق قاۋىپتى گەپتيلدى قولدانباۋدى سۇراعان بولاتىن. الايدا, ازىرگە ودان ەش قايران بولماي تۇر.
بۇعان مينيستر بىلاي دەپ جاۋاپ بەردى:
– ءبىزدىڭ قىزمەتتەرىمىزدىڭ بايقوڭىر اۋماعىندا تەكسەرىستەر جۇرگىزۋگە ەش قۇزىرەتى جوق. جالدامالى جەر ول. «پروتون» ماسەلەسى بويىنشا ءبىز رەسەيگە بىرنەشە تالاپ قويعانبىز. ونىڭ ىشىندە زىمىرانداردىڭ ۇشىرىلۋىن ازايتۋدى, ەكولوگيالىق قاۋىپتى گەپتيلدى قولدانباۋدى سۇراعانبىز. ەندى قازاقستاندىق تاراپ بايقوڭىر اۋماعىندا ءبىزدىڭ ەكولوگيالىق كودەكستىڭ كۇشىن ەنگىزۋ تۋرالى كەلىسسوزدەر جۇرگىزۋدە. رەسەيلىك ارىپتەستەرىمىز ءوتىنىشتى قۇپتايدى دەگەن ۇمىتتەمىز.
بۇل ءپرينتسيپتى ماسەلە دەپۋتاتتار تاراپىنان ۇلكەن قولداۋ الدى. بۇدان ءارى نۇرلان قاپپاروۆ ەلىمىز سۋدى پايدالانۋدىڭ تيiمدiلiگىن ارتتىرۋ بويىنشا جەدەل شارالار قابىلدامايتىن بولسا, سۋ تاپشىلىعىنا ساناۋلى ۋاقىتتا تاپ بولاتىندىعىمىزدى قاداپ ايتتى. وسى ورايدا, قورشاعان ورتانى قورعاۋ مينيسترلىگى ەرتىس پەن ەسىل وزەندەرى ارناسىن قوساتىن سۋ كانالى قۇرىلىسىن ىسكە اسىرۋدى جوسپارلاپ وتىرعاندىقتارىن ءمالىم ەتتى. «100 ميلليارد تەڭگەلىك جوبا جىلىنا 1 ميلليارد تەكشە مەتر سۋمەن قامتاماسىز ەتەدى», – دەدى ن.قاپپاروۆ.
«ناتيجەسىندە استانا اۋماعىندا 3 كول, سىرتىندا 1 كول ياعني بىرنەشە سۋ قويمالارى پايدا بولادى دەپ جوسپارلانۋدا. ولاردىڭ ارقايسىسىندا بولجاممەن 2 ميلليارد تەكشە مەتر سۋ بولادى. بۇل 30-دان استام ەلدى مەكەندى اۋىزسۋمەن قامتۋعا مۇمكىندىك بەرەدى», – دەدى نۇرلان قاپپاروۆ.
اۋىزسۋمەن قامتاماسىز ەتۋگە ارنالعان بۇل جوبانى دەپۋتاتتار قۇپتادى. ەندىگى رەتتە قارجىلاندىرۋ ماسەلەسىن شەشۋ قاجەت.
رۋسلان يگىلىك.
