ايماقتار • 21 ماۋسىم، 2020

پوليتسيانىڭ مەديتسينا قىزمەتى قالعىمايدى

15 رەت كورسەتىلدى

بۇگىنگى "مەديتسينا قىزمەتكەرلەرى كۇنىمەن" سقو پوليتسەيلەرى وزدەرىنىڭ مەديتسينالىق ءبولىمىنىڭ قىزمەتكەرلەرىن كەشە قۇتتىقتادى. بۇل ءبولىمنىڭ قىزمەتكەرلەرى كاسىبي مەرەكەسىن كۇشەيتىلگەن كارانتين رەجىمى جاعدايىندا قارسى الىپ وتىر، - دەپ حابارلايدى Egemen.kz.

سقو پد ەمحاناسى بار گوسپيتالى 19 300 ادامعا قىزمەت كورسەتەدى. باسقا سولتۇستىكقازاقستاندىقتاردى تج رەجىمىنىڭ توقتاتىلۋى قۋانتىپ جاتسا، بۇلار ءالى دە كۇشەيتىلگەن رەجىمدە جۇمىس ىستەۋدە. قازىر ولار كەيبىر جاڭا فۋنكتسيالاردى دا قوسا اتقاراتىن بولعان. سونىڭ ىشىندە بارلىق ورىنداردى، اشىق الاڭداردى ۇنەمى دەزينفەكتسيالاۋ، قىزمەتكەرلەر مەن ەمدەلۋشىلەردىڭ دەنە قىزۋىن ءجيى ولشەۋ كۇندەلىكتى داعدىعا اينالعان. جوسپارلى ەمدەلۋگە جاتقىزۋ تەك پتر-تەستتىڭ تەرىس ناتيجەسى بولعان جاعدايدا جۇرگىزىلەدى.

مەديتسينا قىزمەتكەرلەرى قارىم-قاتىناس جاساۋدى بارىنشا ازايتۋ - قاۋىپتى ىندەتتى جۇقتىرۋعا جول بەرمەۋ مەن ونىڭ تارالۋىن بولدىرماۋدىڭ ەڭ سەنىمدى ءتاسىلى ەكەنىن ايتۋدان جالىقپايدى. گوسپيتالدە COVID-19 سىنامالاردى الۋعا ارنالعان جەكە كابينەت، سونداي-اق وسى ىندەتتى جۇقتىرۋى مۇمكىن كۇدىكتىلەرگە ارنايى بولمە ۇيىمداستىرىلعان.

كارانتيندىك شەكتەۋلەر قايتا ەنگىزىلگەن جاعدايدا مەديتسينا قىزمەتكەرلەرى بلوكبەكەتتەردە قايتا قىزمەت اتقارۋعا دايىن. كارانتين العاش باستالعان كەزدە 22 مەيىربيكە وبلىس ورتالىعىنىڭ شىعا بەرىستەرىندە تاۋلىك بويى كەزەكشىلىك اتقاردى.

ادامدارمەن ۇنەمى بايلانىس جاسايتىندىقتان، پوليتسەيلەردىڭ قاشىقتىقتان جۇمىس ىستەۋىنە مۇمكىندىك جوق. بارلىق قاجەتتى سانيتارلىق قاۋىپسىزدىك شارالارى كەزىندە ولار باستى تاۋەكەل توبىنا كىرەدى. كۇن سايىن تەكسەرىس جۇرگىزىلىپ، بەتپەردەلەردىڭ، انتيسەپتيكتەردىڭ، دەزينفەكتسيالىق كىلەمشەلەردىڭ بولۋى، دەزينفەكتسيالىق قۇرالدارمەن ۇدايى ىلعالدى تازالاۋ، كۇنىنە 3 رەت جاقتاۋلار مەن ەسىكتىڭ تۇتقالارىن ءسۇرتۋ باستى نازارعا الىندى.

قازىر مەديتسينالىق ءبولىم مەن گوسپيتالدىڭ باستىعى قۇمار كۇسەمىسوۆ تاۋلىككە جاقىنداتىلعان رەجىمدە جۇمىس ىستەيدى. زەرتحانا دا قالىپتى جۇمىس كەستەسىنەن تىس ەڭبەك ەتۋدە. ەمحاناسى بار گوسپيتالدىڭ شتاتىندا ءۇش زەرتحاناشى بار، مەيىربيكەلەردىڭ ءبىرى COVID-19 پتر سىنامالارىن الۋ تەحنيكاسىنا وقىپ كەلگەن. جەكە قۇرامدى تەكسەرۋ جۇمىسى ۇزدىكسىز جۇرگىزىلۋدە. الايدا بۇعان ەشكىم قارسىلىق بىلدىرمەي، تۇسىنىستىكپەن قاراۋدا.

"وبلىس پوليتسەيلەرىنىڭ بارلىق دارىگەرلەرگە، مەيىربيكەلەر مەن زەرتحاناشىلارعا بىلدىرگەن شىنايى العىسى تەگىن ەمەس. ولار ءاردايىم ءبىزدىڭ جانىمىزدا جانە دەنساۋلىعىمىزعا الاڭداتۋشىلىق تۋعىزبايتىن سەنىمدى قورعانىمىز"، دەيدى سقو پد باستىعى، پوليتسيا پولكوۆنيگى مارات تولەباەۆ.

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار