ءبىلىم • 21 ماۋسىم، 2020

الماتىدا پاندەميا كەزىندە ۇبت تاپسىرۋ پۋنكتتەرىنىڭ دايىندىعى قانداي؟

21 ماۋسىم كۇنى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ نەگىزىندە ۇبت تاپسىرۋدىڭ ءبىرىنشى لەگى وتەدى. 235 ادام تەست تاپسىراتىنى ايان، - دەپ حابارلايدى Egemen.kz.

ايناش ەسالى

وقۋشىلار مەن تاربيەلەنۋشىلەرلىڭ ءومىرى مەن دەنساۋلىعىن ساقتاۋ ماقساتىندا، سونىمەن بىرگە COVID-19 كوروناۆيرۋس ينفەكتسياسىنىڭ تارالۋىنىڭ الدىن الۋ ءۇشىن بەكىتىلگەن الگوريتمگە سايكەس، ۇبت وتكىزۋ كەزىندە بارلىق سانيتارلىق-ەپيدەميولوگيالىق تالاپتار ساقتالادى.

قالالىق ءبىلىم باسقارماسى مەن الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ COVID-19 كوروناۆيرۋس ينفەكتسياسىنىڭ تارالۋ قاۋپىن ازايتۋعا بايلانىستى بىرلەسىپ بەكىتكەن جوسپارىنا سايكەس، اباي اتىنداعى قازۇپۋ-دە تەست تاپسىرۋشىلارعا دەزينفەكتسيادان ءوتۋ ءۇشىن 5 كەزەڭنەن تۇراتىن بارلىق جاعدايلار جاسالعان:

-بارريكادالىق شەكتەۋ لەنتالارى ورناتىلعان جانە تەست تاپسىرۋشىلار اراسىندا كەم دەگەندە ەكى مەتر قاشىقتىق ساقتاۋ ءۇشىن سىناققا قاتىسۋشىلار سانى ەكى ەسە از بولماق، ول ءۇشىن 15 اۋديتوريا ازىرلەنگەن;

-تەپلوۆيزورلار;

-باكتەريتسيدتى لامپالار جانە ءاربىر اۋديتورياعا اۋا رەتسيركۋلياتورى;

-تەست تاپسىرۋشىلار ءۇشىن قاراپايىم ماسكالار;

-دەزينفەكتسيالاۋ تۋنەلى;

-جەدەل مەديتسينا كولىگى;

-دەنزينفەكتسيالىق كىلەمشەلەر;

قولدانىلعان ماسكالاردى جويۋ ءۇشىن جاشىكتەر;

-سانيتايزەرلەر;

-مەدپۋنكتتە ماسكالار مەن سالفەتكالار قورى;

-مەملەكەتتىك كوميسييا مۇشەلەرى ءۇشىن ماسكالار.

سونىمەن بىرگە، بارلىق اۋديتوريالاردا بەينەباقىلاۋ كامەرالارى ورناتىلعان.

تەست وتكىزىلەتىن كۇندەرى تقسقبد قىزمەتكەرلەرى ۇبت وتكىزۋ پۋنكتتەرىنىڭ سانيتارلىق- ەپيدەميولوگيالىق جاعدايىن باقىلايتىن بولادى.

ەسكە سالا كەتەيىك، الماتىدا بارلىعى 14 972 ادام تەست تاپسىرادى دەپ جوسپارلانۋدا، سونىڭ ىشىندە 9 047 -ءسى(97%) بيىلعى جىلدىڭ تۇلەكتەرى بولسا، 5 925-ءى وتكەن جىلداردىڭ جانە كوللەدجدەردىڭ تۇلەكتەرى.