شاكەن ايمانوۆ اتىنداعى «قازاقفيلم» اق كينوستۋدياسىندا تۇسىرىلگەن رەجيسسەر ءامىر بايعازيننىڭ «ۇيلەسىمدىلىك ساباقتارى» اتتى كوركەم ءفيلمى ءتاۋەلسىز فيلمدەردىڭ «2morrow/زاۆترا» دەپ اتالاتىن حالىقارالىق 7-ءشى فەستيۆالىندە باس بايگەنى جەڭىپ الدى. فەستيۆال 1-6 قازان ارالىعىندا ماسكەۋ قالاسىندا ءوتتى.
شاكەن ايمانوۆ اتىنداعى «قازاقفيلم» اق كينوستۋدياسىندا تۇسىرىلگەن رەجيسسەر ءامىر بايعازيننىڭ «ۇيلەسىمدىلىك ساباقتارى» اتتى كوركەم ءفيلمى ءتاۋەلسىز فيلمدەردىڭ «2morrow/زاۆترا» دەپ اتالاتىن حالىقارالىق 7-ءشى فەستيۆالىندە باس بايگەنى جەڭىپ الدى. فەستيۆال 1-6 قازان ارالىعىندا ماسكەۋ قالاسىندا ءوتتى.
اتالمىش لەنتا بۇعان دەيىن ۇزدىك وپەراتورلىق جۇمىسى ءۇشىن «كۇمىس ايۋ» جۇلدەسى مەن بەرليندە وتكەن كينوفەستيۆالدە نەمىستىڭ «مورگەنپوست» باسىلىمىنىڭ ارنايى سىيلىعىنا يە بولعان ەدى. كارتينا, سونداي-اق, «ترايبەك» كينوفەستيۆالىنىڭ «قازىلاردىڭ ارنايى ديپلومىن», بازەلدەگى شۆەيتساريا كينوفەستيۆالىنىڭ گران-پري جۇلدەسىن, اقش-تىڭ سيەتل قالاسىنداعى حالىقارالىق كينوفەستيۆال قازىلارىنىڭ «ۇزدىك جاڭا رەجيسسەر» گران-ءپريىن, سونداي-اق شۆەيتساريادا وتكەن پوستكەڭەستىك ەلدەر فەستيۆالىنىڭ گران-پري تارتۋىن العان بولاتىن. ال ماسكەۋ ءتورىندە قازىلار پرەزيدەنتى فرەدەريك بويەر «ۇيلەسىمدىلىك ساباقتارىنا» باس بايگەنى بەرۋ جونىندەگى ۇيعارىمنىڭ ءبىر اۋىزدان قابىلدانعانىن جەتكىزدى.
مۇرات ايتقوجا.
