ايماقتار • 19 ماۋسىم، 2020

تۇركىستان وبلىسىندا 200-گە جۋىق مەديتسينا قىزمەتكەرى ماراپاتتالدى

31 رەت كورسەتىلدى

تۇركىستان وبلىسىندا 5202 دارىگەر جانە 18120 ورتا بۋىن مەديتسينا قىزمەتكەرى جۇمىس ىستەيدى. كاسىبي مەرەكەلەرىنە وراي وڭىردەگى 200-گە جۋىق مەديتسينا قىزمەتكەرى "دەنساۋلىق ساقتاۋ ءىسىنىڭ ۇزدىگى"،  "دەنساۋلىق ساقتاۋ ىسىنە قوسقان ۇلەسى ءۇشىن" توسبەلگىلەرىمەن، "قۇرمەت گراموتاسى" جانە "ەڭبەك ارداگەرى" مەدالىمەن، سونداي-اق العىس حاتپەن جانە كوروناۆيرۋس ىندەتىمەن كۇرەستە الدىڭعى شەپتە جۇرگەندەر "حالىق العىسى" مەدالىمەن ماراپاتتالدى، دەپ جازادى Egemen.kz

تۇركىستان وبلىسى اكىمىنىڭ ورىنباسارى جولدىمۇرات امانباەۆ مەديتسينا قىزمەتكەرلەرىن كاسىبي مەرەكەلەرىمەن قۇتتىقتاپ، ەڭبەگىمەن دارالانعان بىرقاتار اق حالاتتى ابزال جانداردى ماراپاتتادى. كارانتين رەجىمىنە بايلانىستى قالعان مەديتسينا قىزمەتكەرلەرىنىڭ ماراپاتتارى جۇمىس ورىندارىنا جولداندى. قوعامدىق دەنساۋلىق باسقارماسىنىڭ باسشىسى مارات پاشيموۆ ءوز كەزەگىندە مەديتسينا سالاسىن جەتىلدىرۋ ماقساتىندا، وڭىردە مامانداردىڭ بىلىكتىلىگىن جوعارىلاتۋ جۇيەلى تۇردە جۇزەگە اسىرىلىپ جاتقاندىعىن اتاپ ءوتتى. "كادرلاردىڭ بىلىكتىلىگىن ارتتىرۋ جانە ولاردى قايتا دايارلاۋ» باعدارلاماسى بويىنشا 2020 جىلدىڭ 5 ايىندا 823 مامان بىلىكتىلىگىن ارتتىردى. ونىڭ ىشىندە 44 مامان رەسەيدىڭ ءنوۆوسىبىر، سانكت-پەتەربۋرگ قالالارىندا بىلىكتىلىكتەرىن ارتتىرىپ، ارىپتەستەرىمەن تاجىريبە الماستى. بيىلدىڭ وزىندە مامانداردىڭ جوعارى كاسىبي دەڭگەيلەرىنىڭ ارقاسىندا تۇركىستان وبلىستىق كلينيكالىق اۋرۋحاناسىندا 17 جانە وبلىستىق بالالار اۋرۋحاناسىندا 80 كۇردەلى وتا جاسالعان. ەمدەۋ مەكەمەلەرىنىڭ مەديتسينالىق قۇرال-جابدىقتارى دا ۇزدىكسىز تولىقتىرىلۋدا. بيىل جانساقتاۋ بولىمشەلەرى 7 دانا لوپوروسكوپيالىق حيرۋرگياعا ارنالعان ۆيدەوەندوسكوپتىق جيىنتىقپەن، 9 دانا ۋلترادىبىستىق جۇيەلەرمەن، 38 دانا ناركوز اپپاراتتارى مەن وكپەگە جاساندى دەم بەرۋ قۇرىلعىلارى، كومپيۋتەرلىك توموگراف قۇرال – جابدىقتارىمەن قامتىلدى"، دەدى باسقارما باسشىسى.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار