سپورت • 19 ماۋسىم، 2020

شاۆقات راحمونوۆ 26 شىلدەدە ايقاسادى

92 رەت كورسەتىلدى

ارالاس جەكپە-جەكتەگى ەڭ بەلدى ۇيىم – UFC-دەگى ءوزىنىڭ تۇساۋكەسەر كەزدەسۋىن قازاقستاندىق سپورتشى شاۆقات راحمونوۆ 26 شىلدە كۇنى وتكىزەتىن بولدى، دەپ حابارلايدى Egemen.kz

ءباا-ءنىڭ استاناسى – ءابۋ-دابيدە جالاۋى جەلبىرەيتىن جارىستا 25 جاستاعى جەرلەسىمىز رامازان ەمەەۆپەن كۇش سىناسادى. شاۆقات وسى كۇنگە دەيىن 12 جەكپە-جەك وتكىزىپ، بارلىعىندا ايقىن باسىمدىق تانىتقان بولاتىن. بىلتىر ول دانيالا پريزكازانى ۇتىپ، 77 كيلو سالماقتا M-1 Global نۇسقاسى بويىنشا چەمپيوندىق بەلبەۋدى يەلەندى.

رامازان ەمەەۆ 33 جاستا. داعىستاننىڭ تۋماسى دا كەزىندە M-1 Global پروموۋشەنى ۇيىمداستىرعان جارىستاردا جاسىنداي جارقىراپ، التىن بەلبەۋدى بەلىنە تاقتى. بارلىعى 22 رەت وكتاگونعا شىققان رامازان 18 رەت جەڭىسكە جەتتى. 10 باسەكەنى مەرزىمىنەن بۇرىن اياقتادى. UFC-دە ول 2017 جىلدان بەرى باق سىناپ جاتىر. سول ارالىقتا ءتورت كەزدەسۋ وتكىزىپ، ۇشەۋىندە مەرەيى ۇستەم بولدى.  

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار