مەديتسينا • 19 ماۋسىم، 2020

دەكسامەتازون مولشەرىن تەك دارىگەر انىقتايدى

1252 رەت كورسەتىلدى

دۇنيەجۇزىلىك دەنساۋلىق ساقتاۋ ۇيىمىنىڭ جەدەل باعدارلامالار جونىندەگى ديرەكتورى ميشەل رايان COVID-19 ۆيرۋسىمەن كۇرەسۋدە ءتيىمدى دەگەن دەكسامەتازون ءدارىسىن قالاي جانە قانداي جاعدايدا پايدالانۋعا بولاتىنىن ايتتى، دەپ جازادى Egemen.kz

"الدىمەن ۇلىبريتانيا بىرىككەن كورولدىگىنىڭ عالىمدارىنا، وسى پرەپاراتپەن ەمدەلگەن بارلىق پاتسيەنتتەرگە، جانە دە بارلىق قاتىسقان ادامدارعا العىس ايتقانىمىز ءجون، الايدا، بۇل ستەرويدتى ەم بارىسىنا قوسۋ-قوسپاۋدى تەك دارىگەر انىقتاپ، ادام وزدىگىنەن تىنىس الا المايتىن اسا اۋىر كەزدە عانا پايدالانۋ قاجەت"، دەيدى ميشەل رايان.

بريتاندىق تاجىريبەدە دارىگەرلەر دەم الا الماي جاتقان، تەك اپپارات ارقىلى تىنىستاۋشى ناۋقاستارعا دەكسامەتازوندى قولدانۋ ناتيجەسىندە ادامداردى اجالدان امان ساقتاپ قالعان. پرەپاراتتى ىندەت جۇقتىرعان اۋىر حالدەگى  2104 پاتسيەنتكە بەرىپ، دەكسامەتازونمەن ەمدەلمەگەن 4321 اۋرۋمەن اراداعى كورسەتكىشتى سالىستىرىپ بارىپ، ستەرويدتىڭ تيىمدىلىگىن انىقتالعان سوڭ ورتاعا سالىندى دەگەن ددسۇ وكىلى زەرتتەۋ مەن تالدامالىق جۇمىستاردىڭ جالعاسىپ جاتقانىن، ولاردىڭ الدا عىلىمي، كاسىبي باسىلىمداردا جارىق كورۋى ماڭىزدى  دەگەن پىكىرىن جەتكىزدى.

دەكسامەتازوندى اۋرۋدىڭ الدىن الامىن دەپ قولدانۋعا مۇلدە بولمايدى، ولاي تەك يممۋندىق جۇيەگە وراسان زور زيان تيگىزىلەدى، ءدارىنى اۋرۋ اسقىنىپ، ۆيرۋستىڭ وزىنەن دە، ودان تۋعان قابىنۋلار ۇلعايىپ، ومىرگە قاتەر تونگەنىنە كوز جەتكەندە عانا ەمگە قوسۋ كەرەك، دەيدى  ددسۇ.

COVID-19 بارىسىندا تيىمدىلىگىن كورسەتكەن ستەريودتىڭ اعزاعا تيگىزەتىن زياندى اسەرلەرى بولۋى دا مۇمكىن ەكەن. ترومبوز بەن قان قىسىمىنىڭ ۇلعايۋى، قان قۇرامىندا  گليۋكوزانىڭ ارتىپ كەتۋى، اسقازان جاراسىن تۋدىرۋ ءتارىزدى اسەرى بولعاندىقتان دەكسامەتازون مولشەرىن تەك دارىگەر  تاعايىنداۋى ءتيىس.

      

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار