قازاقستاندىق فۋتبولشى كونستانتين گوروۆەنكو باپكەرلىك مانسابىن 2010 جىلى "سۇڭقار" كومانداسىندا باس جاتتىقتىرۋشىنىڭ كومەكشىسى رەتىندە باستاعان. وسى كلۋبتا ءۇش جىل ەڭبەك ەتكەننەن كەيىن قىزمەتىن الماتىداعى فۋتبول اكادەمياسىندا جالعاستىرىپ, "قايرات-1998" كومانداسىنىڭ باس جاتتىقتىرۋشىسى بولدى.
2015 جىلى "قايرات" فۋتبول كلۋبىنىڭ باس باپكەرىنە كومەكشى بولىپ تاعايىندالعان. ارادا ەكى جىل وتكەندە ءبىرىنشى ليگادا ونەر كورسەتەتىن "قايرات ا" كومانداسىنىڭ باس جاتتىقتىرۋشىسى بولدى دا, ءوزىنىڭ وسى ۇجىمداعى العاشقى ماۋسىمىندا قولا جۇلدەگە قول جەتكىزدى.
سوڭعى ەكى ماۋسىمدا كونستانين گوروۆەنكو ءبىرىنشى ليگادا ونەر كورسەتەتىن "جەتىسۋ ب" كلۋبىنىڭ باس باپكەرى بولدى.
ءبىر قىزىعى, "شاحتەر" كومانداسىنا كەلە سالىپ, جاڭا باس باپكەر قايتادان جاندانعان ەل چەمپيوناتىنا دايىندىق اياسىندا ءوزىنىڭ بۇرىنعى كلۋبى – "جەتىسۋ ب" كومانداسىمەن جولداستىق كەزدەسۋ ۇيىمداستىردى. تارتىستى وتكەن ويىندا كەنشىلەر كلۋبىنىڭ ءبىرىنشى ليگا كومانداسىنا ءالى كەلمەدى. ەسەپ – 0:0.
