كەشە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك مەملەكەتىمىزگە جۇمىس ساپارىمەن كەلگەن ەۋروپا حالىقتىق پارتياسىنىڭ ۆيتسە-پرەزيدەنتى, ەۋروپا پارلامەنتىنىڭ دەپۋتاتى ماريو دەۆيدپەن كەزدەستى.
كەشە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك مەملەكەتىمىزگە جۇمىس ساپارىمەن كەلگەن ەۋروپا حالىقتىق پارتياسىنىڭ ۆيتسە-پرەزيدەنتى, ەۋروپا پارلامەنتىنىڭ دەپۋتاتى ماريو دەۆيدپەن كەزدەستى.
كەزدەسۋ بارىسىندا ب.بايبەك ەۋروپا حالىقتىق پارتياسىنىڭ قۇجاتى مەن «نۇر وتان» پارتياسىنىڭ جاڭا دوكتريناسىندا كورسەتىلگەن ادام, بوستاندىق, ادىلەتتىلىك, زاڭنىڭ ۇستەمدىگى, وتباسى جانە ءداستۇر سىندى كوپتەگەن قۇندىلىقتاردىڭ ۇقساستىعىن اتاپ ءوتتى. سونىمەن قاتار, ەكى پارتيانىڭ دا ستراتەگيالىق قۇجاتتارىندا ەلدىڭ بولاشاعىنا دەگەن جاۋاپكەرشىلىك اتالعانى كولدەنەڭ تارتىلدى.
«وسىدان ءبىر جىل بۇرىن, 2012 جىلدىڭ 18 قازانىندا بۋداپەشتتە ەۋروپا حالىقتىق پارتياسى كونگرەسىندە ستراتەگيالىق تۇعىرناما قابىلدانسا, ءبىر جىلدان كەيىن ءدال سول كۇنى استانادا «نۇر وتان» پارتياسىنىڭ XV سەزى وتكىزىلىپ, وندا پارتيا دوكتريناسى قابىلدانباق», – دەدى ب.بايبەك.
تاراپتار ەۋروپا مەن قازاقستان اراسىنداعى ساياسي قارىم-قاتىناستى نىعايتۋ جانە پارتياارالىق ىنتىماقتاستىق ماسەلەلەرىن تالقىلادى. ءوتكەن پىكىر الماسۋ ەكى جاقتىڭ قىزىعۋشىلىعى مەن ۇنقاتىسۋ قۇرۋعا مۇددەلى ەكەندىگىن كورسەتتى.
ەۋروپا حالىقتىق پارتياسى (European People’s Party) 1976 جىلى قۇرىلعان ءىرى ترانسەۋروپالىق وڭتسەنتريستىك ساياسي پارتيا بولىپ تابىلادى. ول ساياساتتىڭ وڭتسەنتريستىك اياسىندا باعىتتالعان حريستيان-دەموكراتيالىق, كونسەرۆاتيۆتىك جانە باسقا دا ەۋروپا مەملەكەتتەرىنىڭ پارتيالارىن بىرىكتىرەدى. بۇگىنگى كۇنى ەۋروپا حالىقتىق پارتياسىنىڭ ساياسي توبى ەۋروپالىق تسەنتريستەر مەن وڭتسەنتريستەردى بىرىكتىرەتىن ەڭ ءىرى ەۋروپا پارلامەنتى (275 دەپۋتات) بولىپ تابىلادى.
«نۇر وتان» پارتياسىنىڭ جاڭا ساياسي دوكتريناسى جوباسىندا پارتيا «ەكونوميكالىق ليبەراليزم مەن الەۋمەتتىك كونسەرۆاتيزمنىڭ جيناقتالۋىن كوزدەيتىن ساياسي تسەنتريزم يدەولوگياسىنا نەگىزدەلگەن ساياساتتى جۇرگىزەدى. بۇل ەكونوميكا مەن ساياساتتى جان-جاقتى جاڭارتۋعا, قوعامنىڭ نىعايۋىنا, مىقتى ءارى تابىستى مەملەكەتتىڭ قالىپتاسۋىنا مۇمكىندىك تۋعىزادى», دەپ كورسەتىلگەن.
«ەگەمەن-اقپارات».
