بۇل تۋرالى وقۋ ورنىنىڭ رەكتورى گاۋحار الدامبەرگەنوۆا الەۋمەتتىك جەلىدەگى پاراقشالارىندا جازدى.
"الەمدى شارپىعان COVID 19 ىندەتىن قازاقستان رەسپۋبليكاسىنىڭ تۇڭعىش پرەزيدەنتى دە جۇقتىرىپ الدى.
ەلباسىنىڭ ءباسپاسوز قىزمەتىنىڭ "نۇرسۇلتان ءابىش ۇلى ءوزىن-ءوزى وقشاۋلادى. وكىنىشكە قاراي, ەلباسىنىڭ كوروناۆيرۋس ينفەكتسياسىنا تاپسىرعان سوڭعى سىناماسى وڭ ناتيجە كورسەتتى" دەلىنگەن حابارلاماسىن قازاق ۇلتتىق قىزدار پەداگوگيكالىق ۋنيۆەرسيتەتىنىڭ ۇجىمى مەن ءبىلىم الۋشىلارى ەرەكشە قوبالجۋمەن جانە الاڭداي وتىرىپ قابىلدادى.
ءوزىمنىڭ جانە وقۋ ورنىنىڭ اتىنان ەلباسىنا تەزىرەك ساۋىعىپ, تاۋەلسىز قازاق ەلىنىڭ دامۋى مەن يگىلىگى جولىندا ۇزاق تا تابىستى ەڭبەك ەتۋدى تىلەيمىن.
بۇگىندە نۇرسۇلتان ءابىش ۇلى ءوزىن جاقسى ءارى سەرگەك سەزىنۋدە جانە قاشىقتان جۇمىس ىستەپ جاتىر. ەلباسىمىز ۇنەمى سالاۋاتتى ءومىر سالتىن ۇستانىپ, وتانداستارىمىزعا سونى كەڭىنەن ناسيحاتتاپ جۇرەتىنى بەلگىلى. سوندىقتان تۇڭعىش پرەزيدەنتىمىز بۇل سىناقتى دا وڭاي جەڭەتىنىنە كامىل سەنىمدىمىز", – دەپ جازادى قىزدار ۋنيۆەرسيتەتىنىڭ رەكتورى.
