كادردا بالاباقشا تاربيەشىسى ورىندىقتا وتىرعان بالالاردىڭ قۇلاعىنان بۇراپ ۇستاپ, ەسىكتەن شىعارىپ جاتقاندىعى انىق كورىنەدى. جازبانىڭ استىندا وقيعانىڭ №7 بالاباقشادا بولعانى تۋرالى ايتىلعان.
بۇل جاعدايعا بايلانىستى الماتى قالالىق ءبىلىم باسقارماسىنىڭ قىزمەتكەرى قۋاندىق ەشىمەت ارنايى كوميسسيا قۇرىپ, تەكسەرۋ جۇمىستارىىن جۇرگىزىپ جاتقاندىعىن اتاپ ءوتتى. "اتالعان فاكت بويىنشا, بالاباقشانىڭ لاۋازىمدى تۇلعالارىنان باستاپ, مەكەمە قىزمەتكەرلەرىنە قاتىستى زاڭعا سايكەس شارالار قابىلدانادى. بەينەدەگى داۋىستىڭ №7 بالاباقشا مەڭگەرۋشىسىنىڭ تيەسىلى ەكەنى ءالى ناقتىلانبادى, ونى الداعى ۋاقىتتا تەكسەرۋ ناتيجەسى انىقتاپ بەرەر. بىراق زاڭ الدىندا ءبارى بىردەي جانە تەكسەرۋ اياقتالعاننان كەيىن اقپارات قوسىمشا جاريالانادى", دەدى ول.
