قر ءبىلىم جانە عىلىم ءمينيسترى اسحات ايماعامبەتوۆ باسقا ەلدەردەگى قازاقستان ەلشىلىكتەرىنىڭ وكىلدەرىمەن ونلاين-كەزدەسۋ وتكىزدى. جيىنعا قاتىسۋشىلار قازاقستاندىق جوعارى ءبىلىم سالاسىن ينتەرناتسيوناليزاتسيالاۋ بويىنشا حالىقارالىق ىنتىماقتاستىق ماسەلەلەرىن تالقىلادى.
مينيسترلىك تۇجىرىمدامالار دايىنداپ, 20 كەلىسىمشارتقا قول قويۋعا دايىندالىپ جاتىر, ولار كەلەسى ماسەلەلەردى قامتيتىن بولادى:
- بىرلەسكەن عىلىمي زەرتتەۋلەر جۇرگىزۋ كەزىندە حالىقارالىق ىنتىماقتاستىقتى دامىتۋ;
- ستۋدەنتتەر مەن وقىتۋشىلاردىڭ اكادەميالىق ۇتقىرلىعىن دامىتۋ;
- جوعارى وقۋ ورىندارىندا قوس ديپلومدى باعدارلامالار اشۋ;
- تەپە-تەڭ نەگىزدە گرانتتار ءبولۋ;
- ءبىلىم تۋرالى قۇجاتتاردى تانۋ.
الماسۋ باعدارلاماسى اياسىندا جىل سايىن شەتەلدىك جوو-لاردا 610-نان استام قازاقستاندىق ستۋدەنت گرانت بويىنشا ءبىلىم الادى. سونىمەن قاتار ەلىمىزدىڭ جوعارى وقۋ ورىندارىندا كۆوتا سانى ارتتى, بۇگىندە 345-كە جۋىق شەتەلدىك ازاماتتىڭ قازاقستاندا ءبىلىم الۋىنا بولادى.
