سالاناتتى شارا بارىسىندا ايماق باسشىسى "Jas Otan" جاستار قاناتىنىڭ ەرىكتىلەرى وبلىس بويىنشا بارلىعى 9 مىڭنان استام وتباسىعا ازىق-ت ۇلىك, ماسكا جانە الەۋمەتتىك ماڭىزى بار تاۋارلاردى جەتكىزگەنىن اتاپ ءوتتى.
وبلىس بويىنشا 122 ەرىكتى ەلباسىنىڭ العىس حاتىنا يە بولدى. ارحيمەد مۇحامبەتوۆ ءار ەرىكتىگە شىنايى العىس ءبىلدىرىپ, ولار جاساعان يگىلىكتى ءىستىڭ ماڭىزدى ەكەنىن اتاپ ءوتتى.
"كوروناۆيرۋس دەرتىنە بايلانىستى بۇكىل الەم جۇرتشىلىعى كۇردەلى داعدارىسقا ۇشىرادى. مۇنى جاقسى بىلەسىزدەر. كوروناۆيرۋس ىندەتى ەلىمىزدى, ونىڭ ىشىندە وبلىسىمىزدى دا اينالىپ وتكەن جوق. وڭىرىمىزدەگى كارانتين سالدارىنا وراي ءبىز بۇگىن ەرەكشە جاعدايدا كەزدەسىپ وتىرمىز. جالپى كارانتين رەجيمى ازماتتارىمىزعا ايتارلىقتاي قيىنشىلىق تۋعىزدى. دەگەنمەن وبلىس تۇرعىندارى وسى ىندەتكە قارسى كۇرەسۋ ءۇشىن جۇدىرىقتاي جۇمىلا ءبىلدى.وسى رەتتە سىزدەردىڭ قوسقان ۇلەستەرىڭىز وتە زور. مۇقتاج جاندارعا ازىق-ت ۇلىك اپارىپ بەرىپ, قارت كىسىلەردىڭ ۇيىنە ءدارى-دارمەك جەتكىزىپ, بلوك بەكەتتەردەگى كۇنى-ءتۇنى قىزمەتىن اتقارىپ جاتقان ءتارتىپ ساقشىلارى مەن دارىگەرلەرگە ىستىق تاماق اپارىپ ۇلكەن ءارى قايىرىمدى ءىستىڭ باسى قاسىندا توزىمدىلىگك پەن قامقورلىق تانىتىپ جۇرە بىلدىڭىزدەر. سىزدەرگە ايتار العىسىم شەكسىز", دەدى ارحيمەد مۇحامبەتوۆ.
ايتا كەتەتىن جايت, كارانتين كەزىندە وبلىس مەتسەناتتارىنىڭ قولداۋىمەن 9 مىڭنىڭ ۇستىندەگى ادامعا 136 ملن تەڭگەدەن استام كومەك كورسەتىلگەن.
سونداي-اق, ەلباسىنىڭ باستاماسىمەن قۇرىلعان "Birgemiz" قورى مۇقتاج ازاماتتاردىڭ ارقايسىنا 50 مىڭ تەڭگەدەن اقشالاي كومەك كورسەتكەنى بەلگىلى. مىسالى, قوستاناي وبلىسىندا 21 630 ازاماتقا 1 ملرد تەڭگەدەن استام قارجىلاي كومەك كورسەتىلگەن.
قوستاناي وبلىسى
