رەيد بارىسىندا "سالەم", "ەتالون", "ۇلجان", "قامقور" بازارى مەن "استىقجان" ساۋدا ۇيلەرى تەكسەرىلدى. ءموبيلدى توپ ساۋداگەرلەر مەن تۇرعىندارعا قوعامدىق ورىنداردا كوروناۆيرۋس ينفەكتسياسىن جۇقتىرماۋ ءۇشىن قاۋىپسىزدىك شارالارىن قاتاڭ ساقتاۋعا كەڭەس بەردى.
ء"بىز بۇگىن ءموبيلدى توپپەن بىرگە "ەتالون" بازارىنا تەكسەرىس جۇرگىزدىك. كارانتين رەجيمى بويىنشا قىزمەتكەرلەرگە ءتۇسىندىرۋ جۇرگىزىلدى. تەكسەرىس بارىسىندا كەي ساتۋشىلاردىڭ ماسكانى دۇرىس تاقپاعانى انىقتالدى. كەي جەرلەردە سانيتايزەرلەر جوق. بۇل ماسەلەلەر بويىنشا بازار باسشىلىعى مەن اكىمشىلىككە ءتۇسىندىرۋ جۇرگىزدىك. اكىمشىلىك بۇل رەتتە ءوز قىزمەتكەرلەرىنە ەسكەرتۋ جاسايدى", – دەدى سارىارقا اۋدانى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ سانيتارلىق-گيگيەنالىق قاداعالاۋ ءبولىمى باسشىسى مىندەتىن اتقارۋشى داميرا نۇران.
16 ماۋسىم كۇنى بازارلار مەن ساۋدا ۇيلەرىندە جاسالعان تەكسەرىس بويىنشا سارىارقا اۋدانى اكىمدىگى وكىلدەرى مەن پوليتسيا تاراپىنان مىناداي ەسكەرتۋلەر جاسالدى: "ەتالون" ساۋدا ءۇيى بويىنشا شاعىم بولماسا دا, قىزۋ ولشەگىش سانىن كوبەيتۋ ۇسىنىلدى, "سالەم" بازارىندا دەزينفەكتسيالىق كىلەمشەلەر مەن قىزۋ ولشەگىش, "استىقجان" ساۋدا ۇيىندە دەزينفەكتسيالىق كىلەمشە مەن انتيسەپتيك بولماۋىنا بايلانىستى ەسكەرتۋ جاسالدى. ال, "ۇلجان", "كوكتال اۆتو" بازارلارى بارلىق ەرەجەگە ساي جۇمىس ىستەۋدە.
"اكىمشىلىك تاراپىنان "ەتالون" ساۋدا ءۇيى بويىنشا مونيتورينگ جاسالدى. مونيتورينگ قورىتىندىسى بويىنشا, ايتارلىقتاي نورما بۇزۋشىلىق بولعان جوق. كىرەبەرىستە تەرمومەتر قويىلعان, ماسكالىق رەجيم ساقتالعان. ەكى ساۋدا ورىنى بارلىق نورماعا ساي جۇمىس ىستەپ جاتىر. باس سانيتار دارىگەردىڭ قاۋلىسىنا سايكەس, كاشىقتىق ساقتالۋدا. سانيتارلىق جانە دىمقىل وڭدەۋ دە ۋاقىتىلى جاسالىپ تۇرادى", – دەيدى "ەتالون" ساۋدا ءۇيىنىڭ اكىمشىلىك-شارۋاشىلىق ءبولىمى قىزمەتكەرى عالىمجان شولانوۆ.
ايتا كەتسەك, ءموبيلدى توپ مامىر ايىنان بەرى بىرقاتار رەيد جۇرگىزىپ, سانيتارلىق نورمالاردى بۇزعان نىسانداردىڭ جۇمىسىن توقتاتۋ تۋرالى شەشىم قابىلدادى. ءموبيلدى توپ وكىلدەرىنىڭ ۇسىنىسى بويىنشا, كاسىپكەرلەر سانيتارلىق نورمالاردى قاتاڭ ساقتاۋى ءتيىس, سەبەبى ينفەكتسيا جۇقتىرۋ قاۋپى ءالى دە جوعارى.
