گەولوگيالىق بارلاۋ جوباسى ارىپتەس − "قازاقستان فورتەسكيۋ" كومپانياسىمەن بىرلەسىپ ىسكە اسىرىلاتىن بولادى. "Taý-Ken Samuryq» ۇتك" اق مەن "قازاقستان فورتەسكيۋ" جشس اراسىنداعى قول قويىلعان وپەراتورلىق كەلىسىمگە سايكەس, ىزدەۋ جۇمىستارى قاراعاندى, الماتى, اقتوبە جانە قىزىلوردا وبلىستارىنىڭ اۋماعىندا جالپى الاڭى 18 000 كم2 جۇرگىزىلەتىن بولادى.
"Taý-Ken Samuryq"" ۇتك" اق باسقارما توراعاسى قانات قۇدايبەرگەن: ء"بىز گەولوگيالىق بارلاۋ جوباسىن ىسكە اسىرۋعا ءىرى ينۆەستوردى تارتتىق. كەلىسىمشارت الاڭىنىڭ مولشەرىن ەسكەرسەك, بۇل قازاقستان جەر قويناۋىنىڭ زەرتتەلۋىن ارتتىرۋعا ەلەۋلى ۇلەس بولادى. بولاشاقتا ءبىز كوممەرتسيالىق ماڭىزدى كەن ورىندارىن تابامىز دەپ ۇمىتتەنەمىز".
"قازاقستان فورتەسكيۋ" جشس-مەتاللۋرگيا ونەركاسىبىنىڭ الەمدىك كوشباسشىسى اۆستراليالىق "Fortescue Metals Group Ltd" ءجۇز پايىزدىق ەنشىلەس كومپانياسى. "Fortescue Metals Group" ءوندىرىستىڭ جوعارى مادەنيەتىنە, يننوۆاتسيالارعا, الەمدىك دەڭگەيدەگى ينفراقۇرىلىم مەن تاۋ-كەن اكتيۆتەرىنىڭ وزىق دامۋىنا باعدارلانعان.
ەليزابەت گەينس, "Fortescue Metals Group" كومپانياسىنىڭ باس اتقارۋشى ديرەكتورى: "Fortescue ەكونوميكانى ەلەكترلەندىرۋ مەن كومىرتەكسىزدەندىرۋدى قولداي وتىرىپ, ونىمدەردى ءارتاراپتاندىرۋ جانە اكتيۆتەردى دامىتۋ ەسەبىنەن بولاشاقتا ءوسۋدى ىنتالاندىرۋ ءۇشىن ءوزىنىڭ الەمدىك دەڭگەيدەگى گەولوگيالىق بارلاۋ تاجىريبەسىنە, وندىرىستىك بەدەلىنە, ءوز قىزمەتكەرلەرىنىڭ داعدىلارى مەن قابىلەتىنە سۇيەنەدى. ءبىز مىستى قوسا العاندا, بىرقاتار شيكىزات تاۋارىنا بايلانىستى مۇمكىندىكتەردى زەرتتەۋ ءۇشىن "Taý-Ken Samuryq" كومپانياسىمەن بىرگە قىزمەت ەتەمىز".
ءبىرىنشى جىل ىشىندە "قازاقستان فورتەسكيۋ" قولدا بار گەولوگيالىق دەرەكتەردى جيناپ, تالدايدى, سونداي-اق ماگنيتتىك جانە گراۆيتاتسيالىق دەرەكتەردى جيناۋ ءۇشىن كەڭ اۋقىمدى اەروگەوفيزيكالىق زەرتتەۋلەر جۇرگىزەدى.
گەوفيزيكالىق ءتۇسىرۋ كەيىنگى جىلدارى مينەرالدانۋدىڭ پەرسپەكتيۆالى اۋداندارىن انىقتاۋ جانە تالداۋ ءۇشىن قۇرىلىمدىق گەولوگيا مەن كارتاعا ءتۇسىرۋدى ەگجەي-تەگجەيلى تۇسىندىرۋمەن, سونداي-اق كەشەندى جەرۇستى گەوفيزيكالىق زەرتتەۋلەرمەن جانە بۇرعىلاۋمەن تولىقتىرىلاتىن بولادى.
انىقتاما: اۆستراليالىق Fortescue Metals Group Ltd كومپانياسى – اۆستراليالىق قور بيرجاسىندا تىركەلگەن, نارىقتىق كاپيتالداندىرۋى 30 ملرد. دوللاردى قۇرايتىن جاريا كومپانيا. Fortescue Metals Group ءوزى جۇمىس ىستەيتىن وڭىرلەردىڭ ەكونوميكالىق دامۋىن, قاۋىپسىزدىگىن, ەڭبەكتى, ەكولوگيانى قورعاۋدى قولداۋعا جانە جەرگىلىكتى قوعامداستىقتاردى جان-جاقتى قولداۋعا ەرەكشە نازار اۋدارادى.
