الەم • 17 ماۋسىم، 2020

رەسەيدەگى پارادقا 12 ەلدىڭ اسكەرى كەلدى

270 رەت كورسەتىلدى

رەسەيدە 24 ماۋسىمدا وتەتىن جەڭىستىڭ 75 جىلدىعىنا ارنالعان پارادقا 12 ەلدىڭ اسكەرى كەلىپ جەتتى، - دەپ حابارلادى ريا نوۆوستي.

پارادتى باسقاراتىن قۇرلىق اسكەرلەرىنىڭ باس قولباسشىسى، ارميا گەنەرالى ولەگ ساليۋكوۆتىڭ ايتۋىنشا، پارادقا قازاقستان، ازەربايجان، ارمەنيا، بەلورۋسسيا، قىرعىزستان، قىتاي، موڭعوليا، سەربيا، تاجىكستان، تۇرىكمەنستان، وزبەكستان، مولدوۆانىڭ وكىلدەرى  قاتىسادى.

بۇعان دەيىن رەسەي پرەزيدەنتى ۆلاديمير پۋتين كوروناۆيرۋسقا بايلانىستى اتالعان ءىس-شارانى وتكىزۋدى كەيىنگە قالدىرعان بولاتىن. وسىلايشا 9 مامىردا رەسەي قالالارىندا تەك  اۋە پارادتارى مەن مەرەكەلىك وتشاشۋلار بولعان ەدى. كەيىنىرەك مامىر ايىنىڭ سوڭىندا مەملەكەت باسشىسى جەڭىس شەرۋى 24 ماۋسىمدا وتەدى دەپ مالىمدەدى.

بەلگىلى بولعانداي، قىزىل الاڭداعى شەرۋگە 13 مىڭنان استام اسكەري قاتىسادى. 234 زاماناۋي جانە تاريحي قۇرلىقتاعى اسكەري تەحنيكا جانە 75 ۇشاق پەن تىكۇشاق جۇمىلدىرىلادى.

پارادتىق وركەستردە 900 مۋزىكانت ونەر كورسەتەدى. جالپى العاندا، اسكەري پارادقا 64 مىڭنان استام اسكەري، 2،4 مىڭ اۆتوموبيل جانە اۆياتسيالىق تەحنيكا، سونداي-اق 20 جەر ءۇستى كەمەلەرى، سۇڭگۋىر قايىقتارى جانە تىرەك كەمەلەرى قاتىسادى.

سوڭعى جاڭالىقتار

ۇقساس جاڭالىقتار