ايماقتار • 16 ماۋسىم، 2020

باتىس قازاقستان وبلىسىندا ءورت كوبەيدى

215 رەت كورسەتىلدى

"سوڭعى كۇندەرى باتىس قازاقستان وبلىسىنىڭ ءار ايماعىندا دالا ءورتى كوبەيىپ كەتتى"، - دەپ دابىل قاعادى باتىسقازاقستاندىق توتەنشەلىكتەر. تەك 15-16 ماۋسىم كۇندەرى عانا قاراتوبە، سىرىم جانە بايتەرەك اۋدانىندا بىرنەشە ءورت تىركەلگەن، - دەپ حابارلايدى Egemen.kz.

اتاپ ايتقاندا، قاراتوبە اۋدانىندا جالپى اۋماعى 378 گا القاپتا قۇرعاق ءشوپ ورتەندى. ابىروي بولعاندا ءتىلسىز جاۋدان زارداپ شەككەن ادام جوق. تابيعي ءورتتى سوندىرۋگە №18 ءورت ءسوندىرۋ بەكەتىنىڭ جەكە قۇرامىنان 6 قىزمەتكەر، ەرىكتى ءورت سوندىرۋشىلەر قۇرىلىمىنىڭ 45 مۇشەسى قاتىستى.

ال سىرىم اۋدانىندا يەسىز جاتقان قۇرىلىس نىسانى جانىپ، 84 شارشى مەتر وتقا ورانعان.

بايتەرەك اۋدانىنىڭ يانايكين كەنتىندە دە 20 شارشى مەتر شارۋاشىلىق قۇرىلىسى ورتەنگەن. ونىڭ شىعۋ سەبەبى، زاردابى مەن كىنالى تۇلعالار انىقتالىپ جاتىر.

قازىر كۇن ىستىق، قۇرعاق ءشوپ، تەمەكى تۇقىلى دالا مەن ورمان ورتتەرىن تۋدىرۋى مۇمكىن. سوندىقتان ءورت سوندىرۋشىلەر ءوڭىر تۇرعىندارىنا ءورت قاۋىپسىزدىگى ەرەجەلەرىن قاتاڭ ساقتاۋدى ەسكەرتىپ جاتىر.

12

 

باتىس قازاقستان

سوڭعى جاڭالىقتار

ۇقساس جاڭالىقتار