"ۆاكتسيناتسيا ماڭىزدىلىعىن, اسىرەسە, بۇگىنگىدەي بۇكىل الەم كوروناۆيرۋس ىندەتىمەن كۇرەسىپ جاتقان كەزدە قايتا باعالاۋ بارىنشا كۇردەلى ەكەندىگى بەلگىلى. قازىر ۆاكتسينا ازىرلەۋدىڭ وڭ ناتيجەلەرىن تاعىتسىزدانا كۇتىپ وتىرمىز. وزدەرىڭىزگە بەلگىلى ەكپەگە قارسى يدەيالار مەن پىكىرلەر دە بار. ارينە ولاردى ەلەمەي كەتۋگە بولمايدى", - دەدى ايدا بالاەۆا.
ءمينيستردىڭ ايتۋىنشا, كوپشىلىگى ەكپەنىڭ وزىنە ەمەس, ونىڭ ساپاسىنا قارسى. جاڭا كودەكس ەرەكشەلىكتەردىڭ ءبارىن ەسكەرىپ, جاۋاپكەرشىلىكتىڭ, ونىڭ ىشىندە ساپاسىز ۆاكتسيناتسيا ءۇشىن دە ناقتى تەتىكتەر ەنگىزەدى.
"ونىڭ ءساتتى جۇزەگە اسىرىلۋىنا ءسىز بەن ءبىزدىڭ دەنساۋلىعىمىز عانا ەمەس, سونداي-اق بالالارىمىز بەن نەمەرەلەرىمىزدىڭ دە امان-ەسەندىگى بايلانىستى. راسىندا بۇل بولاشاعىمىزدىڭ كەپىلى. سوندىقتان ءبىز ءۇشىن ەڭ الدىمەن ساراپشىلاردىڭ پىكىرلەرىن تىڭداۋ ماڭىزدى. بۇگىنگى كەزدەسۋىمىز قوعامداعى بارلىق وزەكتى سۇراقتارعا لايىقتى جاۋاپ تاباتىنىنا سەنىمدىمىن", - دەدى ول.
ايتا كەتەيىك, اقپارات جانە قوعامدىق دامۋ مينيسترلىگىنىڭ Facebook پاراقشاسىندا ونلاين رەجيمدە "مىندەتتى ەكپە: قولداۋشىلار مەن قارسى بولۋشىلار" تاقىرىبىندا كەزدەسۋ ءوتىپ جاتىر. وعان اقپارات جانە قوعامدىق دامۋ ءمينيسترى ايدا بالاەۆا, دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا, ازاماتتىق قوعام وكىلدەرى, ساراپشىلار جانە باق وكىلدەرى قاتىسۋدا.
