ايماقتار • 16 ماۋسىم، 2020

سولتۇستىك قازاقستان وبلىسىندا 900-گە جۋىق قۇقىق بۇزۋشىلىق انىقتالدى

13 رەت كورسەتىلدى

سولتۇستىك قازاقستان وبلىسىندا “قۇقىقتىق ءتارتىپ” رەسپۋبليكالىق جەدەل-پروفيلاكتيكالىق ءىس-شاراسى اياقتالدى، دەپ حابارلادى ءىىم ءباسپاسوز قىزمەتى.

بالالار ۋاقىتتارىنىڭ باسىم بولىگىن دالادا وتكىزەتىن جازعى دەمالىس كەزىندە پوليتسەيلەردى جولداعى جاعداي الاڭداتادى. 

ءار ءىرى ساۋدا الاڭدارىنىڭ جانىندا كولىككە تولى كوشەنى اسىعا كەسىپ وتۋلەرىن ءجيى بايقاۋعا بولادى. قاۋىپتى ەلەمەۋگە تىرىسادى. ولاردىڭ ءار قايسىسى ءوزى ءۇشىن عانا ەمەس، ولارعا قاراپ قايتالايتىندار ءۇشىن دە جاۋاپتى. ەرەسەكتەردىڭ بۇگىنگى مۇنداي ارەكەتتەرىن، ەرتەڭ بالا قايتالاۋى مۇمكىن. نەمەسە – جاياۋ جۇرگىنشى جولاعىمەن ۆەلوسيپەدپەن ءجۇرىپ ءوتۋىن. بۇل جول قوزعالىسىنداعى ەڭ قاۋىپتى ساتتەردىڭ ءبىرى.

"رولدەگى ادام جاياۋ جۇرگىنشىلەردىڭ جىلدامدىعىنا قاراي باعدار جاسايتىنىن تۇسىنگەن دۇرىس"، دەپ توقتالا كەتتى سقو پد باستىعىنىڭ ورىنباسارى قانات ايتباەۆ. ۆەلوسيپەدشى الدەقايدا جىلدام قوزعالادى. اسىعىستىق جۇرگىزۋشىنى ورنى تولماس اۋىر جاعدايعا ۇرىندىرۋى مۇمكىن. سوندىقتان جەدەل-پروفيلاكتيكالىق ءىس-شاراسىن وتكىزۋ بارىسىندا جولداعى جاعداي ەرەكشە باقىلاۋ ايماعىندا بولادى. پوليتسەيلەردىڭ ماقساتى – قۇقىق بۇزۋشىلاردى بارىنشا جاۋاپكەرشىلىككە تارتپاي، بارلىق جول قوزعالىسىنا قاتىسۋشىلاردىڭ تارتىپكە بوي ۇسىنۋىنا قول جەتكىزۋ. 

وبلىستاعى جەدەل-پروفيلاكتيكالىق ءىس-شارالاردىڭ ءتورت كۇنى ىشىندە جاياۋ جۇرگىنشىلەر جانە جول ءجۇرىسىنىڭ باسقا دا قاتىسۋشىلارى تاراپىنان جول ءجۇرىسى قاعيدالارىنىڭ 200 بۇزۋشىلىعى انىقتالدى. كولىك جۇرگىزۋشىلەرىمەن 900 شاقتى بۇزۋشىلىققا جول بەرىلگەن. ونىڭ ىشىندە 49-ى كولىكتى ماساڭ كۇيدە تىزگىندەسە، 206-سى جۇرگىزۋشى كۋالىگىنسىز بولعان، 259-ى جىلدامدىقتى اسىرعان. 

بۇدان باسقا، ۋچاسكەلىك ينسپەكتورلار 351 تۇرمىسى قولايسىز وتباسىن تەكسەردى. 42 اتا-انا بالالارىن تاربيەلەۋ بويىنشا مىندەتتەرىن ورىنداماعانى، تاعى 156-سى جاسوسپىرىمدەردىڭ كەشكە قىدىرۋلارىنا، نەمەسە ساعات 23-تەن كەيىن ويىن-ساۋىق مەكەمەلەرىندە بولۋىنا جول بەرگەنى ءۇشىن جاۋاپكەرشىلىككە تارتىلدى. كامەلەتكە تولماعاندارعا تەمەكى ونىمدەرىن ساتقان 10 كاسىپكەرگە قاتىستى اكىمشىلىك حاتتاما تولتىرىلدى. 

جالپى “قۇقىقتىق ءتارتىپ” جەدەل-پروفيلاكتيكالىق ءىس-شاراسىن وتكىزۋ كەزەڭىندە اكىمشىلىك زاڭنامانىڭ 3655 ءتۇرلى بۇزۋشىلىقتارى انىقتالدى.

 

سوڭعى جاڭالىقتار

ۇقساس جاڭالىقتار