كوللەدجدە 500-دەن اسا جاس ءبىلىم الادى. "جاس مامان" جوباسىن جۇزەگە اسىرۋ بارىسىندا "ەلەكترمەن قامتاماسىز ەتۋ" ماماندىعى بويىنشا قۇزىرەتتىلىك ورتالىعىن قۇرۋ جوسپارلانىپ وتىر. وعان 4 زەرتحانا مەن شەبەرحانا جانە وقۋ پوليگونى كىرەتىن بولادى.
"رەسپۋبليكالىق بيۋدجەت بويىنشا كوللەدجگە بيىل 233 ملن تەڭگە قارجى ءبولىندى. جاقىن ارادا "ەلەكترومونتاج" شەبەرحاناسىنا, وزگە دە وقۋ-جاتتىعۋ پوليگوندارىنا قاجەت قوندىرعىلاردى گەرمانيا, جاپونيا, ۇلىبريتانيادان اكەلىپ ورناتاتىن بولادى. كوللەدجدى اياقتاعان جاستاردىڭ نەگىزگى بولىگى جۇمىسپەن قامتىلادى. ولار "كوكشەتاۋ ەنەرگو" سەرىكتەستىگىنە نەمەسە ەلورداداعى ءىرى كاسىپورىندارعا ورنالاسادى", دەيدى جوعارى اگروتەحنيكالىق كوللەدجىنىڭ وقىتۋشىسى دانيار اققوشقاروۆ.
وقۋ عيماراتىنىڭ بۇگىندە ءبىرىنشى قاباتى تولىعىمەن كۇردەلى جوندەۋدەن ءوتىپ, قايتا جابدىقتالۋدا. جاڭادان جەتكىزىلەتىن قوندىرعىلار دا وسى جەرگە ورنالاستىرىلماق.
