كينوتۋىندىدا ءبىزدىڭ زامانىمىزعا دەيىنگى VI عاسىرداعى ۇلى دالاداعى الىپ بيلەۋشىلەردىڭ تاعدىرلى تارتىسى سۋرەتتەلەدى. فيلمدە كىشكەنتاي قىزدان ەرجۇرەك جاۋىنگەرگە اينالعان, جاقىندارىنان ايىرىلىپ, ساتقىنداردان ءوشىن العان جانە ساق تايپالارىن بىرىكتىرگەن اتى اڭىزعا اينالعان توميريس پاتشايىمنىڭ تاعدىرى باياندالادى. فيلم مادەنيەت جانە سپورت مينيسترلىگىنىڭ تاپسىرىسىمەن «قازاقفيلم» كينوستۋدياسىندا Sataifilm كومپانياسىنىڭ قاتىسۋىمەن تۇسىرىلگەن.
«بۇل ەپيكالىق فيلم تاڭعاجايىپ پەيزاجدارمەن كوركەمدەلىپ, جوعارى ساپادا تۇسىرىلگەندىكتەن كورەرمەندەردى بىردەن باۋراپ الاتىنى ءسوزسىز», دەپ جازدى Variety باسىلىمى.
«تاڭعاجايىپ وقيعالاردى ءبىز ەرەكشە ۇناتامىز. سوندىقتان دا العاشقى تاريحي «امازون پاتشايىمىنىڭ» قۇپياعا تولى وقيعاسى باسقالارعا قاراعاندا سەنىمدىرەك», دەدى Well Go USA Entertainment پرەزيدەنتى جانە اتقارۋشى ديرەكتورى دوريس پفاردرەشەر Hollywood Reporter تىلشىسىنە.
ال كينوتۋىندىنى تاماشالاعان امەريكالىق ساراپشىلار ءفيلمنىڭ كوركەمدىك كەلبەتىن ايرىقشا باعالاپ, كورەرمەن كوزايىمىنا اينالاتىن تۋىندى دەپ باعالاپ وتىر. – قازاقستاندىق جانە امەريكالىق كينوپروديۋسەر, قازاقستاننىڭ لوس-انجەلەستەگى قۇرمەتتى كونسۋلدىعىنىڭ باسشىسى گيا نۇرتاس ءبىزدى وسى ارنايى جوبامەن تانىستىرعان كەزدە, ءفيلمنىڭ كەرەمەت الەۋەتىن بىردەن بايقادىق. Well Go USA كومپانياسى توميريس پاتشايىمى تۋرالى وسى ءبىر تاماشا تۋىندىنى بىزگە جەتكىزۋگە دايىن ەكەندىگىنە وتە قۋانىشتىمىز, – دەيدى ولار.
