Johns Hopkins University مالىمەتى بويىنشا, ءۇندىستاندا ۆيرۋس جۇقتىرعانداردىڭ جالپى سانى 332 424-كە جەتتى. وسىلايشا بۇل ەل ۆيرۋس جۇقتىرعاندار سانى كوپ الەمدەگى ءتورتىنشى ەلگە اينالدى. قازىر مۇندا 153 106 ادام ەم قابىلداپ جاتىر. 169 797 ادام ىندەتتەن ايىقتى, 9520 ناۋقاس كوز جۇمدى.
ناۋقاستاردىڭ كوپشىلىگى ەل ورتالىعىنداعى ماحاراشترا شتاتىندا تىركەلۋدە. وندا اۋرۋدىڭ بارلىق جاعدايلارىنىڭ ۇشتەن ءبىر بولىگى, 107 858 ناۋقاس تىركەلگەن.
بۇعان دەيىن ەل بيلىگى ۆيرۋس جۇقتىرعاندار سانى از جەرلەردە كارانتين رەجيمى بىرتىندەپ جەڭىلدەتىلەتىنىن ايتقان ەدى. وسىلايشا 8 ماۋسىمدا كەي جەرلەردە عيباداتحانالار, قوناق ۇيلەر, مەيرامحانالار مەن ساۋدا ورتالىقتارىنىڭ قايتا جۇمىس ىستەۋىنە رۇقسات بەرىلدى. ال ناۋقاس سانى كوبەيىپ كەلە جاتقان مەكەندەردە كارانتين رەجيمى 30 ماۋسىمعا دەيىن ۇزارتىلدى.
ددۇ مالىمەتىنە سايكەس, الەمدە كوروناۆيرۋس جۇقتىرعاندار سانى 8 ميلليونعا جۋىقتادى, 433 مىڭنان استام ادام قايتىس بولدى.
