بۇل تۋرالى كوماندانىڭ سپورت جونىندەگى ديرەكتورى لەوناردو مالىمدەدى. ونىڭ ايتۋىنشا, ەكى ازامات كلۋب تاريحىندا ورنى بولەك ويىنشىلار. بىراق ءاربىر تاڭعاجايىپ ساياحات ءبىر كۇنى اياقتالاتىنى سەكىلدى, فۋتبولشىلاردىڭ دا مۇنداعى ءداۋىرى ءتامام. ويتكەنى كوماندا قارجىلىق جاعدايىن رەتتەي وتىرىپ, الداعى كۇندەرى قاتارىن جاڭا جاس ويىنشىلارمەن تولىقتىرۋدى كوزدەپ وتىر. ازىرگە اتالعان اياقدوپشىلار تامىز ايىنا دەيىن قۇراما قاتارىندا بولماقشى.
قازىرگى تاڭدا 33 جاسقا تولعان ە.كاۆاني 2013 جىلى يتاليانىڭ ناپوليىنان كەلىپ, بۇگىنگە دەيىن پسج-نىڭ ەسەبىنە 200 گول جازدىرعان. ياعني كلۋب تاريحىندا ەڭ كوپ گولدىڭ اۆتورى اتاندى. ال تياگو سيلۆا 2012 جىلى زلاتان يبراحيموۆيچپەن بىرگە ميلاننان كەلگەن بولاتىن. ە.كاۆانيعا دەۆيد بەكحەمنىڭ ينتەر ماياميى جانە يسپانيانىڭ اتلەتيكو مادريد كلۋبى قىزىعۋشىلىق تانىتسا, تياگو سيلۆا اعىلشىن پرەمەر ليگاسىنىڭ ءبىر كومانداسىندا ونەر كورسەتەتىن ءتۇرى بار.
