ەپيدەميا باستالعالى بەرى مەكسيكادا COVID-19 جۇقتىرۋدىڭ 146 873 جاعدايى تىركەلدى. ونىڭ ىشىندەگى 17 141 ادام قاۋىپتى ىندەتتىڭ قۇربانى بولعان. وتكەن تاۋلىكتە 693 ادام قايتىس بولدى. قازىرگى ۋاقىتتا 22 398 ادام اۋىرىپ جاتىر. اۋرۋ جۇقتىرعانداردىڭ كوپشىلىگى مەحيكو قالاسى (4566) مەن شتاتىندا (2703) انىقتالعان.
جۇما كۇنى دەنساۋلىق ساقتاۋ مينيسترلىگى ەلدەگى ەپيدەميولوگيالىق قاۋىپتىڭ جاڭارتىلعان كارتاسىن ۇسىندى. جاڭا دەرەكتەر بويىنشا, سولتۇستىكتە, وڭتۇستىك-شىعىستا جانە ورتالىق بولىگىندە قاۋىپتىلىك دارەجەسى قىزىل ينديكاتوردان (ەڭ جوعارعى قاۋىپ) قىزعىلت سارى تۇسكە (جوعارى) تومەندەدى.
