سپورت • 12 ماۋسىم، 2020

بەلارۋستىڭ ەڭ ۇزدىك باپكەرى – اندرەي سكابەلكا

15 رەت كورسەتىلدى

جەرگىلىكتى سپورت جۋرناليستەرى اراسىندا جۇرگىزىلگەن ساۋالنامانىڭ قورتىنىدىسى بويىنشا اندرەي سكابەلكا بەلارۋستىڭ ەڭ ۇزدىك باپكەرى بولىپ تانىلدى، - دەپ حابارلايدى Egemen.kz.

جوعارىداعى جاڭالىققا قازاقستاندىق جانكۇيەرلەر بەكەر قۋانىپ وتىرعان جوق. سەبەبى، 49 جاستاعى بەلارۋسسيالىق مامان 2018-2020 جىلدار ارالىعىندا قۇرلىقتىق حوككەي ليگاسىندا (قحل) نۇر-سۇلتاننىڭ "بارىسىن" جاتتىقتىردى. ايتۋلى باپكەردىڭ جەتەكشىلىگىمەن جەرلەستەرىمىز چەرنىشەۆ ديۆيزيونىندا ەكى رەت توپ جارىپ، شىعىس كونفەرەنتسياسىندا قاتارىنان ەكىنشى ماۋسىم ەكىنشى ورىندى يەلەندى. گاگارين كۋبوگى جولىنداعى جارىستا ەكى رەت شيرەك فينالعا دەيىن جەتتى. بيىلعى ماۋسىمدا ول كورسەتكىشتى جاقسارتۋعا دا بولار ەدى، الايدى كوروناۆيرۋستىڭ كەسىرىنەن تۋرنير توقتاتىلدى.

ءسويتىپ، "بارىستىڭ»" بۇرىنعى باس باپكەرى اندرەي سكابەلكا بەلارۋستىڭ ەڭ ۇزدىك جاتتىقتىرۋشىسى بولىپ تانىلدى. بۇل ونىڭ ءۇشىنشى رەت وسى بەلەستى باعىندىرۋى. بۇعان دەيىن سكابەلكا 2016 جانە 2019 جىلدارى ءدال سونداي اتاققا قول جەتكىزگەن ەدى.   

سوڭعى جاڭالىقتار

ۇقساس جاڭالىقتار