"تابيعي ورتا" باتىس قازاقستان ۇكىمەتتىك ەمەس ۇيىمدارى وڭىرلىك اسسوتسياتسياسىنىڭ كەڭەس توراعاسى, ەكولوگيا مينيسترلىگىنىڭ امباسسادورى ادىلبەك قوزىباقوۆتىڭ ايتۋىنشا, ماڭعىستاۋ وبلىسىندا حالىقارالىق تابيعاتتى جانە تابيعي رەسۋرستاردى قورعاۋ وداعى (IUCN) "تۇرلەرىمىزدى ساقتايىق!" (SOS) باعدارلاماسىنىڭ كىشى گرانتى اياسىندا «قازاقستاننىڭ ماڭعىستاۋ وبلىسىنداعى اۋىلدىق مەكتەپ وقۋشىلارى اراسىندا قاراقۇيرىقتى ساقتاۋدى ناسيحاتتاۋ» جوباسى ىسكە اسىرىلىپ باستادى. جوبا ماقساتى – قاراقۇيرىقتىڭ مەكەندەۋ ارەالىنداعى اۋىلداردا تۇراتىن مەكتەپ وقۋشىلارىندا جانە (ولار ارقىلى) ولاردىڭ دوستارىندا, تۋىستارى مەن اتا-انالارىندا قاراقۇيرىقتىڭ, جالپى تۋعان تابيعاتتىڭ ساقتالۋى ءۇشىن جاۋاپكەرشىلىك سەزىمىن وياتۋ.
"بارلىق مۇددەلى تاراپتاردىڭ مۇددەلەرىن ەسكەرەتىندەي جۇمىس جوسپارىن جاساۋ ءۇشىن بىزدەر وبلىستىق ءبىلىم باسقارماسىن, وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىن, "قىزىلساي" مەملەكەتتىك وڭىرلىك تابيعي پاركىن, ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىن, اقتاۋ قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىن جانە "Ecojer" قاۋىمداستىعى باتىس قازاقستان بويىنشا فيليالى ماڭعىستاۋ وبلىسىنىڭ وڭىرلىك ەكولوگيالىق كەڭەسىن شاقىردىق. ەندى وسىلاردىڭ بارلىعى ءبىزدىڭ نەگىزگى سەرىكتەستەرىمىز بولدى", – دەپ مالىمدەدى ءا.قوزىباقوۆ.
2021 جىلدىڭ قازان ايىن قوسا قامتىعان جۇمىس جوسپارىنىڭ جوباسى قىزۋ تالقىلانىپ, وتىرىسقا قاتىسۋشىلاردىڭ ءجوندى ۇسىنىستارى ەسكەرىلدى.
تالقىلاۋعا قاتىسقان "Ecojer" قاۋىمداستىعى وڭىرلىك ەكولوگيالىق كەڭەسىنىڭ مۇشەسى نۇربول وقۋوۆتىڭ ايتۋىنشا, وسى جوبانىڭ ەرەكشەلىگى اۋىل وقۋشىلارىنىڭ ءجاي عانا ەكولوگيالىق مادەنيەتىن ارتتىرۋمەن شەكتەلمەي, وسى بالالار ارقىلى ولاردىڭ اكەلەرى مەن اعالارىنا, ياعني وزدەرى براكونەر بولۋى نەمەسە سىرتتان كەلگەن براكونەرلەرگە جويىلىپ كەتۋ قاۋىپى ءتونىپ تۇرعان قاراقۇيرىقتاردى ىزدەۋگە كومەكتەسۋى مۇمكىن تۋىستارىنا, مورالدىق اسەر ەتۋىندە. ول ءۇشىن ماڭعىستاۋ اۋدانىنىڭ شەبىر, تۇششىقۇدىق, قىزان, اقشىمىراۋ, ۇشتاعان اۋىلدارىندا جانە بەينەۋ اۋدانىنىڭ تولەپ اۋىلىندا اۋىلدىق مەكتەپتەرى ماڭىندا "قاراقۇيرىق دوستارى" كلۋبتارىن قۇرىپ, وسى كلۋبتاردىڭ جۇمىسىن جۇيەگە قويۋ كوزدەلگەن.
ناتيجەسىندە جۇمىس جوسپارى ايتىلعان ۇسىنىستار بويىنشا وزگەرتۋلەر مەن تولىقتىرۋلاردى, ونىڭ ىشىندە وبلىستىق ءبىلىم باسقارماسىمەن ءتيىستى مەموراندۋمعا وتىرۋ دا بار.
ماڭعىستاۋ وبلىسى
