"بيىل 9 ماۋسىمدا قازاقستان مۇسىلماندارى ءدىني باسقارماسىنىڭ ەلىمىزدەگى مەشىتتەردە جاماعاتپەن ناماز وقۋعا رۇقسات ەتىلەتىندىگى تۋرالى مالىمدەمەسى جاريالانعان بولاتىن. الايدا, الماتى قالاسىندا كوروناۆيرۋستىق ينفەكتسيامەن اۋىرعاندار سانىنىڭ كوبەيۋىنە بايلانىستى قالا مەشىتتەرىندە جاماعاتپەن ناماز وقۋعا شەكتەۋ قويىلادى. تەك جەكەلەي ءدىني راسىمدەردى وتكىزۋ مەن قۇلشىلىق جاساۋعا جانە اتريبۋتيكالاردى ساتۋ رۇقسات ەتىلەدى.
بۇعان قوسا ءدىني عيماراتتاعى جاماعاتتىڭ سانى 30 ادامنان ء(بىر ۋاقىتتا) اسپاۋى كەرەك. بۇل تالاپتار يسلام دىنىنەن باسقا بارلىق ءدىني بىرلەستىكتەرگە دە قاتىستى.
ءوز كەزەگىندە, ءدىني عيماراتتارعا كەلۋشى جاماعاتتان قويىلعان شەكتەۋلەرگە تۇسىنىستىكپەن قاراۋدى جانە بارلىق سانيتاريالىق تالاپتاردى ساقتاۋدى سۇرايمىز", - دەدى الماتى قالاسىنىڭ باس مەملەكەتتىك سانيتارلىق دارىگەرى.
