ايماقتار • 11 ماۋسىم، 2020

الماتىدان جيدەباي اۋىلىنا جاياۋ ەكسپەديتسيا شىعادى

ەرتەڭ، 12 ماۋسىمدا الماتى قالاسىنان اقىن اباي قۇنانباي ۇلىنىڭ تۋعان جەرى شىعىس قازاقستان وبلىسى اباي اۋدانى جيدەباي اۋىلىنا دەيىنگى قاشىقتىقتى جاياۋ ءجۇرىپ ءوتۋ ءۇشىن ارنايى ەرىكتىلەر توبى ەكسپەديتسياسىن باستايدى.

ايناش ەسالى

الماتى قالاسىنداعى تاۋەلسىزدىك مونۋمەنتى تۇبىنەن تۋ ۇستاپ شىعاتىن 4 ادام 1200 شاقىرىم قاشىقتىقتى ەڭسەرۋدى ماقسات ەتىپ وتىر. كۇنىنە 40-50 شاقىرىم ءجۇرىپ وتىرۋ جوسپارلانعان. بەلگىلەگەن مەجەگە جەتۋ ءۇشىن ولارعا ءبىر اي ۋاقىت كەتەدى ەكەن. ەكسپەديتسيانىڭ ەڭ سوڭعى ايالداماسى – جيدەباي اۋىلىنداعى اباي مۇراجايى.

الماتى قالاسىنان باستاۋ الاتىن ساياحاتتا قالا əكىمى باقىتجان ساعىنتاەۆ ءوز قولىمەن ەرىكتىلەرگە ەلدىڭ تۋ تابىستايدى. ساياحاتشىلار اباي مۇراجايىنا جەتكەن اباي ىزىمەن اقىن وقىعان مەدرەسەلەر مەن تۇرعان جەرلەرىن ارالايتىن بولادى.

جاياۋ جولعا شىققانداردى دامير كۇشەەۆ باستاپ، وعان ەرمەك كۇباشەۆ، دانيار بالتاباەۆ پەن داۋلەت كۇشەەۆ (ۆيدەو-فوتو وپەراتور) قوسىلىپ وتىر. ولار وزدەرىنىڭ ءجۇرىپ وتكەن جولىن ارنايى ۆيدەو جəنە فوتو جازبالارى ارقىلى ينستاگرام əلەۋمەتتىك جەلىسىندەگى @damir_za_mir_almaty پاراقشاسىنا جاريالايتىن بولادى.

وسىلايشا ەرىكتىلەر ۇلتتىڭ ويشىل اقىنى اباي قۇنانباەۆتىڭ 175 جىلدىق مەرەيتويىن ۇلىقتاي وتىرىپ، قازاقستان پرەزيدەنتى قاسىم-جومارت توقاەۆ جاريالاعان بيىلعى ەرىكتىلەر جىلىنا سونى سەرپىن بەرمەك.

ءبىر جاعى "اباي جولى" جوباسى جاستارىمىزدىڭ ەل تاريحىنا، مəدەني جəدىگەرلەرىنە قىزىعۋشىلىعىن كوتەرۋدى كوزدەدى. اتالمىش شارا الماتى قالاسىنىڭ əكىمدىگىنىڭ، سونداي-اق، رەسپۋبليكالىق جəنە قالالىق باق وكىلدەرىنىڭ قولداۋىمەن وتەدى.

الماتى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز