قۇجات نورمالارىنا سايكەس, تۇرعىن ءۇي باعدارلامالارىنىڭ قازىرگى وپەراتورلارى "قازاقستان يپوتەكالىق كومپانياسى" اق, "بايتەرەك دەۆەلوپمەنت" اق, "تۇرعىن ءۇي قۇرىلىسىنا كەپىلدىك بەرۋ قورى» اق, سونداي-اق "دامۋ" اق ارقىلى قۇرىلىس سالۋشىلاردى سۋبسيديالاۋ قۇرالى "بايتەرەك" ۇبح» اق-نىڭ بازاسىندا قۇرىلعان تۇرعىن ءۇي قۇرىلىسىنىڭ بىرىڭعاي وپەراتورىنا بىرىكتىرىلەدى.
بۇل شارا جالپى اكىمشىلىك شىعىستاردى كەمىندە 40%-عا ازايتۋ ەسەبىنەن بيۋدجەت قاراجاتىن ۇنەمدەۋگە مۇمكىندىك بەرەدى. شتات سانى دا وڭتايلاندىرىلادى, ونىڭ ىشىندە باسقارۋ بۋىنى شامامەن 3 ەسەگە قىسقارادى.
باستاپقى كەزەڭدە بىرىڭعاي وپەراتور مىناداي فۋنكتسيالاردى جۇزەگە اسىرادى:
1) قولجەتىمدى تۇرعىن ءۇي قۇرىلىسىن, ونىڭ ىشىندە اكىمدىكتەردىڭ وبليگاتسيالارىن ساتىپ الۋ تەتىكتەرى ارقىلى قارجىلاندىرۋ;
2) قۇرىلىستى اياقتاۋعا كەپىلدىك بەرۋ ارقىلى حالىقتىڭ ۇلەستىك سالىمدارىنىڭ ساقتالۋىن
3) جەكە قۇرىلىس سالۋشىلاردىڭ كوممەرتسيالىق كرەديتتەرى بويىنشا سىياقى مولشەرلەمەسىن
4) اكىمدىكتەر جانىنداعى ۋاكىلەتتى ۇيىمدارعا, سونداي-اق مەملەكەتتىك باعدارلامالار شەڭبەرىندە تۇرعىن ءۇي سالۋدى جۇزەگە اسىراتىن زاڭدى تۇلعالارعا كرەديت بەرۋ;
5) ينۆەستيتسيالىق جوبالاردى قارجىلاندىرۋ جانە ىسكە اسىرۋ;
6) اكىمدىكتەردە كەزەكتە تۇرعاندار ءۇشىن ساتىپ الۋ قۇقىعىمەن جالعا بەرىلەتىن تۇرعىن ۇي بەرۋ;
7) يپوتەكالىق قارىزدار بەرۋ جانە ۋاكىلەتتى ورگاننىڭ ليتسەنزياسى نەگىزىندە وزگە دە قىزمەتتەردى ۇسىنۋ.
اتالعان شارالار «بايتەرەك» حولدينگىنىڭ مەملەكەتتىك باعدارلامالاردى ءتيىمدى ىسكە اسىرۋىنا جانە سينگاپۋرلىق تۇرعىن ءۇي قۇرىلىسى جانە دامۋ كەڭەسى (Housing and Development Board) ۇلگىسىنە كوشۋىنە مۇمكىندىك بەرەدى.
