كۇردەلى جوندەۋ جۇمىستارى جۇرگىزىلەتىن جولداردىڭ ءبىراز بولىگى باتىس قازاقستان وبلىسىندا ورنالاسقان. مەملەكەت باسشىسىنىڭ تاپسىرماسى بويىنشا وبلىستىڭ قازتالوۆ, جانىبەك جانە بوكەي ورداسى اۋداندارىن بايلانىستىراتىن جولداردىڭ جاعدايىن جاقسارتۋعا باعىتتالعان جۇمىستار 280 شاقىرىم جولدا جۇرگىزىلۋدە. بيىل چاپاەۆ جانە قازتالوۆ ەلدىمەكەندەرى ارالىعىنداعى جولدىڭ 35 شاقىرىمىندا جۇمىستار تولىق اياقتاپ, قوزعالىستى اشۋدى جوسپارلانىپ وتىر. سونىمەن قاتار, وڭىردەگى "قازتالوۆكا – جانىبەك – رف شەكاراسى" جانە "ونەگە – بيسەن – سايحين" اۆتوجولدارىندا كۇردەلى جوندەۋ جۇمىستارى جۇرگىزىلىپ جاتىر.
الماتى وبلىسىندا رەسپۋبيكالىق ماڭىزعا يە "كوكپەك – كەگەن – ءتۇپ – جالاڭاش – ساتى – قۇرمەتتى – كولساي كولىنە كىرۋ جولى", "كوكپەك – كەگەن – قىرعىزستان شەكاراسى ء(تۇپ)" جانە "الماتى – بىشكەك" (16-19 شاقىرىمى) اۆتوموبيل جولدارى كۇردەلى جوندەۋدەن وتەدى. بۇل جولداردىڭ جالپى ۇزىندىعى 62 شاقىرىمدى قۇرايدى.
پاۆلودار وبلىسىندا بيىل "قالقامان – باياناۋىل", "لەنينسكي – اقسۋ – كوكتوبە – ۇلكەن اقجار" جانە "قىزىلوردا – پاۆلودار – رف شەكاراسى". جولدارى كۇردەلى جوندەۋدەن وتكىزىلەدى. وڭىردە قازىر 45 شاقىرىم جولدا جۇمىستار جۇرگىزىلىپ جاتىر.
قاراعاندى وبلىسىندا كۇردەلى جوندەۋ جۇمىستارى "قىزىلوردا – پاۆلودار – ۋسپەنكا – رف شەكاراسى" اۆتوموبيل جولىنىڭ 36 شاقىرىمىندا, سولتۇستىك قازاقستان وبلىسىندا "بۋلاەۆا – ۆوزۆىشەنكا – مولوگۆارديسكوە – كيروۆو – قيالى" جولىنىڭ 3 شاقىرىمىندا جۇرگىزىلۋدە. سونىمەن قاتار, بيىل قوستاناي وبلىسىندا كوپىر وتپەلى بار "رف شەكاراسى (ەكاتەرينبۋرگ) – الماتى" جانە "جەزقازعان – پەتروپاۆل" جولدارىن كۇردەلى جوندەۋدەن وتكىزۋ جۇمىستارى جالعاسۋدا. مۇندا كۇردەلى جوندەلەتىن جول ۋچاسكەلەرىنىڭ جالپى ۇزىندىعى – 17 شاقىرىم.
