ونلاين كونفەرەنتسيا بايلانىسى ارقىلى وتكەن وتىرىسقا كەڭەس مۇشەلەرىمەن قاتار ءماسليحات دەپۋتاتتارى, سونداي-اق مەملەكەتتىك ورگاندار مەن قوعامدىق ۇيىمداردىڭ وكىلدەرى قاتىستى. وتىرىس بارىسىندا كوروناۆيرۋس پاندەمياسى كەزىندە وڭىرلەردەگى الەۋمەتتىك-ەكونوميكالىق تۇراقتىلىقتى ساقتاۋ ماسەلەلەرى جان-جاقتى تالقىلاندى. جالپى العاندا, وكىلدى ورگانداردىڭ جۇمىس ورىندارى مەن جۇمىسشىلاردىڭ ەڭبەكاقىلارىن ساقتاۋ, تەگىن ازىق-ت ۇلىكپەن قامتاماسىز ەتۋ مەن سانيتارلىق-گيگيەنالىق كومەك كورسەتۋ, ازىق-ت ۇلىك تاۋارلارىنىڭ باعاسىنا باقىلاۋ جاساۋ جۇمىسىنا وڭ باعا بەرىلدى.
ءماسليحاتتاردىڭ توتەنشە جاعدايلارعا بايلانىستى, اسىرەسە تۇركىستان وبلىسىندا ورىن العان تابيعي اپات زارداپتارىن ەڭسەرۋ جانە تۇرعىندارعا قولداۋ كورسەتۋ جۇمىستارىنا بەلسەندى قاتىسقانى اتاپ ءوتىلدى. دەپۋتاتتىق كورپۋستىڭ وڭىرلەردەگى جۇمىسىنىڭ مازمۇنى مەن ولاردىڭ كاسىبي بىلىكتىلىگىن ارتتىرۋ ماسەلەسىنە ايرىقشا ءمان بەرىلدى. ءماسليحات دەپۋتاتتارى ءوز سايلاۋشىلارىنا قابىلدانعان زاڭداردى, ەل باسشىلىعى بەلگىلەگەن باعىت-باعدارلاردىڭ ءمانىن ۇعىنىقتى, كاسىبي تۇرعىدا ءتۇسىندىرۋى كەرەك. بۇل تۇرعىدا قاراماعىندا 20 مىڭنان استام كاسىبي كادرى بار قازاقستاننىڭ زاڭگەرلەر وداعى قابىلدانعان مەموراندۋم نەگىزىندە بارلىق وڭىردە جۇمىستارعا تارتىلدى.
سەناتور ت.مۇقاشەۆتىڭ باستاماسى بويىنشا وڭىرلەردى دامىتۋ باعدارلاماسىنا اۋىلدىق ايماقتاردى جان-جاقتى دامىتۋ شارالارىنا باسىمدىق بەرۋ جونىندەگى تۇزەتۋ قاجەتتىگى ايتىلعان سەنات دەپۋتاتتارىنىڭ پرەمەر-ءمينيستردىڭ اتىنا ۇندەۋى تۋرالى ءماسليحات دەپۋتاتتارى حاباردار ەتىلدى.
كەڭەس سونداي-اق «رۋحاني جاڭعىرۋ» باعدارلاماسىن وڭىرلەردە ىسكە اسىرۋ بارىسىمەن دە تانىستى.
