بىرنەشە اداممەن بىرگە قالالىق پروكۋراتۋرا عيماراتىنىڭ الدىنا كەلگەن دانيار ينجيعاليەۆ تىكەلەي ەفيرگە قوسىلعان كامەرا الدىندا ء"وزىن جەرگىلىكتى پوليتسيا قىزمەتكەرلەرى نەگىزسىز قۋدالاپ جۇرگەنىن, 7 جىلعا قاماۋ نەمەسە 3 جىلعا دەيىن ءۇي قاماعىنا الۋى مۇمكىن ەكەنىن, بىراق وزىنە قاتىسى جوق ءىس بويىنشا جازا تارتقىسى كەلمەيتىنىن" ايتىپ, قوينىنا قىسىپ كەلگەن پلاستيك بوتەلكەدەگى جانعىش سۇيىقتى ءوز ۇستىنە قۇيىپ جىبەرگەن. سوسىن ولاي جاساماۋىن سۇراپ اراشا تۇسكەن ادامداردىڭ ارەكەتىنە قاراماستان وتتىعىن تۇتاتىپ, ءوز ۇستىنە وت قويعان.
ابىروي بولعاندا وقيعا ورنىنا جەتىپ ۇلگەرگەن پوليتسيا قىزمەتكەرلەرى دانياردىڭ كيىمىن شەشىپ, ءوزىن قۇتقارىپ ۇلگەردى. الدىن الا مالىمەت بويىنشا دانياردىڭ موينى, قارىن تۇسى, قولدارى كۇيگەن. قالالىق اۋرۋحانادا وعان دارىگەرلىك كومەك كورسەتىلگەن, ومىرىنە قاۋىپ ءتونىپ تۇرعان جوق دەپ حابارلادى رەسمي ورىندار.
ورال قالالىق پروكۋرورىنىڭ ورىنباسارى ارتۋر شوقپانوۆ د.ينجيعاليەۆتىڭ ۇستىنەن "الاياقتىق" جانە "بيلىك وكىلىن بالاعاتتاۋ" باپتارى بويىنشا قىلمىستىق ءىس قوزعالعانىن, بىراق ول وزىنە تاعىلعان ايىپتان قۇتىلۋ, جاۋاپكەرشىلىكتەن جالتارۋ ءۇشىن بۇعان دەيىن دە ء"وزىمدى ءوزىم ولتىرەمىن, ورتەيمىن" دەپ قورقىتقانىن مالىمدەگەن.
باتىس قازاقستان
