ايماقتار • 10 ماۋسىم، 2020

گۇلشارا ابدىقالىقوۆا توقسانعا تولعان تەمىرجولشىنى قۇتتىقتادى

29 رەت كورسەتىلدى

بۇگىن قىزىلوردا وبلىسىنىڭ اكىمى گۇلشارا ابدىقالىقوۆا بەلگىلى تەمىرجولشى، سوتسياليستىك ەڭبەك ەرى ورازباي ابىشەۆتى 90 جاسقا تولۋىنا وراي قۇتتىقتاپ، قۇرمەت كورسەتتى، - دەپ جازادى Egemen.kz

ءوڭىر باسشىسى عۇمىرى عيبرات، ءىسى ۇلگى ارداگەردىڭ جولى جاستار ءۇشىن ونەگەگە تولى ەكەندىگىن ايتىپ ءوتتى.

"سىر ەلى ءوزىڭىز سەكىلدى پاراساتتى، ۇلاعاتتى ازاماتتارعا باي. ايماعىمىزدىڭ تەمىر جول سالاسىنىن دامىتۋعا زور ۇلەس قوستىڭىز. وسى سالانىڭ عىلىمي – تەحنيكالىق جۇمىسىنا دا بەلسەنە قاتىستىڭىز. كوپتەگەن تاجىريبەلى شاكىرتتەر تاربيەلەپ شىعارعانىڭىزعا العىس بىلدىرەمىز. كارانتيندىك شەكتەۋلەرگە بايلانىستى ۇلكەن شارالار وتكىزۋگە مۇمكىندىك بولماي وتىر. مەرەيتويىڭىز قۇتتى بولسىن. ءسىزدىڭ ەڭبەك جولىڭىز جاستار ءۇشىن ارقاشان ونەگە"، - دەدى وبلىس اكىمى.  

جيىندا ايماق باسشىسى مەرەيتوي يەسىنە وبلىستىڭ قۇرمەت گراموتاسىن تابىستاپ، شاپان جاپتى. ورازباي ءابىش ۇلى 1930 جىلى 10 ماۋسىمدا قىزىلوردا وبلىسى، سىرداريا اۋدانى، بىرقازان اۋىلدىق وكرۋگىندە دۇنيەگە كەلگەن.  

1949-1951 جىلدارى قىزىلوردا تەمىرجول ۋچيليششەسىندە وقىپ، ەڭبەك جولىن 1951 جىلى پاروۆوز جوندەۋ دەپوسىندا سلەسار قىزمەتىنەن باستاعان.

سالاداعى جارتى عاسىرلىق ەڭبەگىندە وندىرىسكە ءبىرتالاي راتسيوناليزاتورلىق ۇسىنىس ەنگىزگەن ورازباي ابىشەۆتىڭ ەسىمى بۇكىل وداق تەمىرجولىنا تارادى. جالپى وسى سالادا 500-گە جۋىق ادام سوتسياليستىك ەڭبەك ەرى اتاعىن الىپتى. ونىڭ اراسىندا قانداستارىمىزدىڭ قاتارى از ارينە. سول ازدىڭ ءبىرى  وسى ورازباي ءابىش ۇلى. 1981 جىلى  كسرو جوعارعى كەڭەس پرەزيديۋمى جارلىعىمەن  سوتسياليستىك ەڭبەك ەرى اتاعىنا يە بولعان.   

بۇگىندە ورازباي ءابىش ۇلى قىزىلوردا قالاسىنىڭ قۇرمەتتى ازاماتى، "قازاقستان تەمىر جولى" ۇك" اق كونسۋلتاتيۆتىك كەڭەسىنىڭ مۇشەسى.  

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار