ايماقتار • 10 ماۋسىم، 2020

QS رەيتينگىندە ساتباەۆ ۋنيۆەرسيتەتى 20 ساتىعا كوتەرىلدى

111 رەت كورسەتىلدى

جىل سايىن، جازدىڭ باسىندا جاھاندىق اكادەميالىق قاۋىمداستىق الەمدەگى ەڭ ۇزدىك  ۋنيۆەرسيتەتتەر رەيتينگتەرىنىڭ ءبىرى – QS World University Rankings ناتيجەلەرىن كۇتەدى. كوپتەگەن ۋنيۆەرسيتەتتەر سونىڭ قاتارىنا كىرۋگە تىرىسىپ، ءوز ۇلگەرىمدەرىن جاقسارتۋعا تىرىسادى. بۇل رەيتينگكە الەمنىڭ 1600-دەن استام جوعارى وقۋ ورىندارى قاتىستى، - دەپ جازادى Egemen.kz

قازاقستانداعى № 1 تەحنيكالىق جوعارى وقۋ ورنى – ساتباەۆ ۋنيۆەرسيتەتى جىل سايىن الەمدەگى ەڭ ۇزدىك 600 ۋنيۆەرسيتەتتىڭ قاتارىنا قوسىلىپ، وسى رەيتينگتە ءوزىنىڭ لايىقتى ورنىن الىپ كەلەدى.

بيىلعى جىلى دا ەڭ ۇزدىك تەحنيكالىق ۋنيۆەرسيتەت اتاعىن دالەلدەپ، ءوزىنىڭ دارەجەسىن وتكەن جىلمەن سالىستىرعاندا 20 ۇپايعا جاقسارتا وتىرىپ، ۋنيۆەرسيتەت 541–550-ورىندارعا يە بولدى (ينتەرۆالدار بويىنشا رەيتينگتەر) جانە قازاقستاننىڭ رەيتينگكە قاتىسقان كوپسالالى ۋنيۆەرسيتەتتەرى اراسىندا ءتورتىنشى ورىنعا كوتەرىلدى.

مۇنداي تاماشا ناتيجە ساتباەۆ ۋنيۆەرسيتەتىنىڭ سوڭعى بىرنەشە جىل بويى اتقارىپ كەلە جاتقان جەمىستى ەڭبەگىنە بايلانىستى ەكەنى ءسوزسىز.

پروفەسسورلار مەن جاس وقىتۋشىلاردىڭ 70%-دان استامى عىلىمي زەرتتەۋلەرگە بەلسەندى تۇردە قاتىسادى. ۋنيۆەرسيتەت "Web of Science Core" جيناعىندا "عىلىمي جاريالانىمداردىڭ سانى جاعىنان كوشباسشى" نوميناتسياسى بويىنشا "عىلىم ۇزدىگى" بەدەلدى ماراپاتىن الدى. بۇل سىيلىق بەدەلدى مالىمەتتەر بازاسىندا جاريالانعان عىلىمي ماقالالاردىڭ كولەمدىلىگى ءۇشىن بەرىلەدى. ساتباەۆ ۋنيۆەرسيتەتىنىڭ عالىمدارى ءوز جاريالانىمدارىن Scopus مالىمەتتەر بازاسىندا جانە Web of  Science سايتىندا پىكىر جازىلاتىن جۋرنالداردا باسىپ شىعاردى – Scopus بازاسىندا 2000-نان استام، Web of  Science سايتىندا 1000-نان استام ماقالا جاريالادى.
QS رەيتينگى 2004 جىلى بريتاندىق Times Higher Education باسىلىمىمەن بىرلەسىپ ازىرلەنگەن جانە جوعارى وقۋ ورىندارىنىڭ ءبىلىم مەن عىلىم سالاسىنداعى جەتىستىكتەرى تۋرالى مالىمەتتەر نەگىزىندە ارنايى ادىستەمە بويىنشا ەسەپتەلەدى.

بۇل الەمدىك ماڭىزى بار ەڭ جاقسى ۋنيۆەرسيتەتتەردى انىقتاۋ ءۇشىن بريتاندىق Quacquarelli Symonds (QS) كونسالتينگتىك كومپانياسى جۇرگىزگەن عالامدىق زەرتتەۋلەرگە نەگىزدەلگەن.

QS World University Rankings جوعارى وبەكتيۆتى بولىپ سانالادى، ويتكەنى بارلىق مالىمەتتەر مەن رەيتينگتىڭ ادىستەمەسى سىرتقى اۋديت ءۇشىن قول جەتىمدى. باعالاۋ التى كريتەري بويىنشا جۇرگىزىلەدى: ۋنيۆەرسيتەتتىڭ اكادەميالىق ورتادا جانە جۇمىس بەرۋشىلەر اراسىنداعى بەدەلى، عىلىمي جاريالانىمدارعا جاسالعان سىلتەمەلەر، وقىتۋشىلار مەن ستۋدەنتتەردىڭ ارا سالماعى، جەرگىلىكتى جانە شەتەلدىك ستۋدەنتتەردىڭ ارا سالماعى. باعالاۋدىڭ جارتى كورسەتكىشى ۋنيۆەرسيتەتتىڭ بەدەلىن باعالاۋ كورسەتكىشىنە تيەسىلى: 40% – ۋنيۆەرسيتەتتىڭ اكادەميالىق ورتاداعى بەدەلى; 10% – جۇمىس بەرۋشىلەردىڭ باعاسى.

2020 جىلى زەرتتەۋدىڭ ءبىرىنشى ساتىسىنا بۇرىنعى جىلدارداعى سياقتى ماسساچۋسەتس تەحنولوگيالىق ينستيتۋتى شىقتى. كۇتكەنىمىزدەي، رەيتينگتىڭ جوعارى ساتىسىنا قازاقستاندىق جوعارى وقۋ ورىندارىنىڭ ىشىندە كوپسالالى ۋنيۆەرسيتەتتەر كوتەرىلدى. ساتباەۆ ۋنيۆەرسيتەتى – جەر شارىنداعى ەڭ ۇزدىك جوعارى وقۋ ورىنداردىڭ عالامدىق تىزىمىنە ەنگەن قازاقستانداعى العاشقى تەحنيكالىق جوعارى وقۋ ورنى.

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار