"الماتى وبلىستىق سوتى توراعاسىنىڭ وكىمى نەگىزىندە عيماراتتا بەلسەندى دەزينفەكتسيالىق وڭدەۋ جۇمىستارى جۇرگىزىلەدى. سوت عيماراتىنا بوگدە ادامداردىڭ كىرۋىنە رۇقسات ەتىلمەيدى. وبلىستىق سوتتىڭ بارلىق قىزمەتكەرلەرى جەتى كۇن ءۇي كارانتينىنە وقشاۋلانادى. وبلىستىق سوتتىڭ جۇمىسى ونلاين رەجيمدە قاشىقتىقتان قامتاماسىز ەتىلە وتىرىپ ۋاقىتشا توقتاتىلادى", - دەپ جازىلعان حابارلامادا.
سوت ىستەرىن قاراۋ كەيىنگە شەگەرىلەدى. سوت وتىرىستارىنىڭ تاعايىندالعان كۇنى مەن ۋاقىتى تۋرالى ىستەرگە قاتىسى بار تاراپتارعا قوسىمشا اقپارات جولدانادى.
"قىسقا مەرزىمدە قارالۋى ءتيىس ءىس ماتەريالدارى, ياعني قىلمىستىق-پروتسەسسۋالدىق كودەكسىنىڭ(ارى قاراي- قپك) 107-بابى نەگىزىندە قارالاتىن ماتەريالدار تالدىقورعان قالالىق سوتىنىڭ عيماراتىندا سۋديامەن قاشىقتىقتان قارالاتىن بولادى. شەكتەۋ شارالارىنىڭ مەرزىمى مەن رەجيمى COVID-19 كورونوۆيرۋستىق ينفەكتسياسىنىڭ تارالۋ جاعدايىنا سايكەس وزگەرتىلۋى مۇمكىن", - دەلىنگەن الماتى وبلىستىق سوتى تاراتقان اقپاراتتا.
