كوروناۆيرۋس • 09 ماۋسىم، 2020

ەلوردادا COVID-19 جۇقتىرعان انالار 11 ساۋ بالانى دۇنيەگە اكەلدى

32 رەت كورسەتىلدى

بۇگىن قالالىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا قازاقستان استاناسىنداعى كوروناۆيرۋس ينفەكتسياسىنا قاتىستى قازىرگى جاعداي تۋرالى ايتتى، دەپ حابارلايدى نۇر-سۇلتان قالاسى اكىمدىگىنىڭ رەسمي سايتى.

"نۇر-سۇلتاندا كوروناۆيرۋستىق ىندەت باستالعاننان بەرى 2520 ادام ۆيرۋس جۇقتىرىپ، 1621 ادام نەمەسە 64%-ى ەمدەلىپ، ەمحانالاردان شىعارىلدى. جاقسى جاڭالىقتىڭ ءبىرى – COVID-19 جۇقتىرعان انالار 11 ساۋ نارەستەنى دۇنيەگە اكەلدى"، – دەدى س.قيسىقوۆا.

ول 3 ماۋسىمنان باستاپ قازاقستاننىڭ باس سانيتارلىق دارىگەرىنىڭ شەشىمىنە سايكەس سيمپتوماتيكالىق جانە اسيمپتوماتيكالىق ناۋقاستارعا ءبولۋ كەزىندە مەديتسينالىق باقىلاۋ جۇرگىزۋ تاكتيكاسى وزگەرگەنىن ەسكە سالدى.

"اسقىنۋلاردىڭ الدىن الۋ جانە ۋاقتىلى مەديتسينالىق كومەكتى ۇيىمداستىرۋ ءۇشىن سيمپتومدارى بار ناۋقاستارعا كوبىرەك كوڭىل ءبولۋ كەرەك. اۋرۋدىڭ اسيمپتوماتيكالىق اعىمى بار ادامدار نازاردان تىس قالمايدى. ولاردى ءۇي كارانتينى جاعدايىندا اۋماقتىق ەمحانالار باقىلاپ وتىرادى، قاننىڭ وتتەگىمەن قانىعۋ دەڭگەيىن ولشەۋ ءۇشىن يمپۋلستىك وكسيمەترلەرمەن قامتاماسىز ەتىلەدى، كۇندەلىكتى قوڭىراۋلار جاسالادى"، – دەدى س.قيسىقوۆا.

قازىرگى ۋاقىتتا نۇر-سۇلتاندا كوروناۆيرۋس جۇقتىرعانى زەرتحانامەن راستالعان ادامدار سانىنىڭ ءوسۋى بايقالادى.

"بۇل بۇگىندە قالادا پتر دياگنوستيكاسىن جۇرگىزەتىن جەتى زەرتحانا جۇمىس جاساپ جاتقانىنا بايلانىستى. كۇنىنە 4-تەن 5 مىڭعا دەيىن تەست وتكىزىلەدى. تيىسىنشە، انىقتاۋ مۇمكىندىگى ارتىپ كەلەدى. كۆي بار ادامدار اراسىندا اۋرۋدىڭ 60-70% -ى اسيمپتوماتيكالىق بولىپ تابىلاتىندىعىن اتاپ وتكىم كەلەدى"، – دەدى ساۋلە قيسىقوۆا.

دەنساۋلىق ساقتاۋ باسقارماسىنىڭ باستىعى قالا اكىمدىگى كۇن سايىن جۇمىسى قايتا جاڭعىرتىلعان نىساندارعا كۇندەلىكتى مونيتورينگ جۇرگىزەتىنىن جانە كاسىپكەرلىك سۋبەكتىلەرىمەن، ولاردىڭ باسشىلارىمەن ءتۇسىندىرۋ جۇرگىزىلىپ جاتقاندىعىن ەسكە سالدى. تالاپتاردى بۇزعانى ءۇشىن مۇنداي كاسىپورىنداردىڭ قىزمەتى توقتاتىلادى. سونىمەن قاتار س.قيسىقوۆا ەلوردا تۇرعىندارىن كارانتين شارالارىن قاتاڭ ساقتاۋعا شاقىردى.


سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار