وسى كۇنگە دەيىن وقىرمانعا تاڭسىق بولعان Pursuit As Happiness ("رادوستي وحوتى") شىعارماسىن باسىلىمنىڭ 2020 جىلعى 8 ماۋسىمداعى سانىنان وقۋعا بولادى.
وقيعا جەلىسى بويىنشا باس كەيىپكەر دوستارىمەن بىرگە الىپ مارلين بالىعىن ۇستاۋعا تىرىسادى. ءتىپتى, كەي تۇستارىن العاش رەت 1952 جىلى باسىلىپ شىققان "شال مەن تەڭىزگە" ۇقساتاسىڭ. اڭگىمەنى قالامگەردىڭ نەمەرەسى شون حەمينگۋەي "شال مەن تەڭىزدىڭ" جاڭا باسىلىمىن دايىنداۋ ۇستىندە تاپقان. اۆتوردىڭ تۇزەتۋلەرى سالىنعان ماشينكالىق جازبا دجون ف. كەننەديدىڭ كىتاپحاناسىنان شىقتى. شوننىڭ پايىمداۋىنشا, اتاسى حەمينگۋەي بۇل شىعارمانى 1936-1956 جىلدارى ارالىعىندا جازعان.
تاقىرىپسىز قالعان اڭگىمەنىڭ اتاۋىن حەم اعايدىڭ ۇلى پاتريك قويىپتى. مۇنداي تاقىرىپ "افريكانىڭ جاسىل توبەلەرى" كىتابىنىڭ 4-بولىمىندە دە بار. شون The New Yorker-گە بەرگەن سۇحباتىندا بۇل اتاۋدىڭ ءساتتى قويىلعانىن ءھام ول تەك بالىق اۋلاۋ تۋرالى عانا ەمەس, سول ساتتەگى ءتۇرلى كوڭىل كۇيدى دە بەرەتىنىن ايتتى. شىعارما "شال مەن تەڭىزدىڭ" وسى جىلعى كەزەكتى جاڭا باسىلىمىنا ەنەدى.
