ايماقتار • 09 ماۋسىم، 2020

نۇر-سۇلتاندا كارانتين كۇشەيتىلە مە؟

574 رەت كورسەتىلدى

نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ەلوردادا كارانتيندى كۇشەيتۋگە قاتىستى پىكىر ءبىلدىردى، - دەپ حابارلايدى Egemen.kz

"بۇگىندە كارانتيندى كۇشەيتۋ شارالارى نەگىزىنەن ءار وڭىردەگى ەپيدەميولوگيالىق جاعدايعا بايلانىستى. شىنىمەن دە، نۇر-سۇلتان قالاسىندا زەرتحانالىق تۇردە كوروناۆيرۋس راستالعان ادامدار سانى ءوستى. مۇنى ەلوردادا كوروناۆيرۋس ينفەكتسياسىنىڭ پتر دياگنوستيكاسىنا زەرتتەۋ جۇرگىزەتىن 7 زەرتحانا قىزمەت ەتىپ جاتقانىمەن تۇسىندىرۋگە بولادى"، - دەدى س. قيسىقوۆا.

باسقارما باسشىسىنىڭ ايتۋىنشا، كارانتين شارالارىن كۇشەيتۋ تۋرالى شەشىمدى باس مەملەكەتتىك سانيتار دارىگەرى قابىلدايدى.

"كۇن سايىن 4-تەن 5 مىڭعا دەيىن تەستىلەۋ جۇرگىزىلەدى. سايكەسىنشە، تەست جۇرگىزۋ ارتسا، وندا ىندەت جۇقتىرعانداردى انىقتاۋ دا كوبەيەتىنى تۇسىنىكتى. اتاپ وتسەك، وسى ينفەكتسيا تابىلعان ادامداردىڭ ىشىندە 60-70 پايىزىندا سيمپتومسىز دارەجەدە بولادى. سوندىقتان ەپيدەميولوگيالىق جاعدايدى ەسكەرە وتىرىپ، كارانتين شارالارىن كۇشەيتۋ تۋرالى شەشىمدى باس مەملەكەتتىك سانيتار دارىگەرى قابىلدايدى"، - دەدى باسقارما باسشىسى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار