"وكىنىشكە قاراي, قايعىلى وقيعالاردىڭ باسىم بولىگى تىيىم سالىنعان اكۆاتوريالاردا, قۇتقارۋ بەكەتتەرىنەن ەداۋىر شالعاي جاتقان اۋىلداردىڭ ماڭىنداعى وزەن-كولدەردە سۋعا تۇسۋشىلەر اراسىندا ءجيى ورىن الىپ وتىر. اۋەسقوي بالىقشىلار مەن جازعى دەمالىس ۋاقىتىندا سۋعا تۇسۋشىلەر اراسىندا الكوگولدى ىشىمدىك ىشەتىندەر از ەمەس. مۇنىڭ ارتى نەمەن اياقتالاتىنىن وتكەن اپتاداعى ستاتيستيكا كورسەتىپ وتىر" - دەدى ا. ورىمباەۆ.
ماسەلەن, 7 ماۋسىم كۇنى 00.10-دا سارىكول اۋداندىق پوليتسيا ءبولىمىنىڭ قىزمەتكەرلەرى 1972 جىلى تۋعان ايەل ادامنىڭ ءمايىتىن سۋدان الىپ شىققان. كول جاعاسىنا دەمالۋعا كەلگەن ۋروجاينىي ەلدى مەكەنىنىڭ تۇرعىنى تانىسىمەن بىرگە ىشىمدىك ىشكەن. جاعالاۋداعى تىيىم سالاتىن بەلگىگە قاراماستان, كولگە شومىلعان ماساڭ ايەل سۋدان قايتىپ شىقپاعان.
قازىر توتەنشە جاعداي قىزمەتكەرلەرى سۋ ايدىندارىنداعى قايعىلى وقيعالاردىڭ الدىن الۋ ماقساتىندا تۇرعىندارعا سۋداعى قاۋىپسىزدىك قاعيدالارىن ساقتاۋ كەرەكتىگىن ەسكەرتۋ شارالارىن وتكىزۋدە. مۇنداي ءىس-شارالار سۋعا شومىلۋ ماۋسىمى اياقتالعانشا جالعاسادى.
قوستاناي وبلىسى
